روايه حازم باشا الحلقه الاولى
افكاري الجهنميه دي
تقولي الله يسامحك
رد معتز بغيظ
افكارك الجميله دي
هي اللي خلتني اتقلب
من معتز بركات الكاتب المحترم
وابقى فريده الجندي الكاتبه المنحرفه
انتي عارفه يا راندا
انا بيجيلي كل يوم
كام رساله معاكسه
وكلام زباله
حطت راندا ايدها على بوقها عشان تمنع ضحكه محشوره في زورها وقالت بمكر
بس برضوا انت السبب
انا كل اللي قولتهولك
اعمل حساب باسم بنوته
ودخل شويه مشاهد في قصصك
ما قولتلكش تحط صوره بت مكشوفه
وتحول قصصك الرومانسيه الجميله
لمشاهد بس
نفخ معتز صدره وقال بكل فخر
المشاهد اللي مش عجباكي دي خلت عندي ١٠٠ الف متابع
بعد ما كان عندي ٢٢ متابع
عشان يقروا قصصي !!!
لدرجه اني
وفجأه اتخرس معتز وجريت راندا قعدت على مكتبها مع دخول العقربه
او بمعنى ادق مدام وفاء المديره
دخلت وفاء وهي مكشره كالعاده وقالت بزعيق
هو احنا النهارده يوم شغل عادي
ولا طالعين رحله
وانا ما اعرفش !!!
ردت راندا بكل ادب
احنا شغالين اهو يا مدام وفاء
وابتسم ابتسامه خفيفه لما افتكر كلمه فيلم اللمبي الشهيره فاضلها ٢ فولت وتنور
قطع صوت وفاء العالى نوبه السرحان بتاعت معتز وهي بتقول
فين ده اللي شغالين
وانتي صوت ضحكتك
جايب لاخر الشارع يا راندا !!!
مدلدل راسك كده ليه
بصلي وانا بكلمك
ولا مش عاجبك كلامي !!!
رد معتز بصوت مذعوور
العفو يا ريسه
ده ادب واحترام مش اكتر
خرجت وفاء من المكتب وهي تقول بصوت عالي
حضرلي ملف الحاج عبدالظاهر
٣ دقايق بالظبط
والاقيه على مكتبي
سامعني يا معتز !!!
فجأه نطت راندا من مكانها وجريت تاني على مكتب معتز وقالتله بكل دلال
ابوس ايدك سبني انا اوديلها الملف
وحياه الاخوه اللي بنا
انت عارف اني هاموت
واشوف هيثم
رد معتز بسخريه
هو هالقايها منك
ولا من العقربه
ماشي يا ستي
روحي وديلها الملف
ولو اني كان نفسي اتفرج على العقربه
وهي بتتمرقع مع الحاج عبدالظاهر
اتنططت راندا من الفرحه وقالت وهي بتظبط شعرها الناعم الطويل وبتعدل هدومها ومكياجها
وما تقلقش
هاجي احكيلك كل حاجه بالتفصيل
خرجت راندا وطلعت بره البنك عشان تشوف عربيه هيثم موجوده ولا حبيب القلب لسه ما جاش
وسابت معتز يجهز الملف وهو قلبه بيتعصر من الۏجع !!!
وفضل يقول في سره
هي هاتموت على الزفت
اللي اسمه هيثم عبد الظاهر
ومش شايفاك اصلا !!!
ولا حاسه بحبك !!!
بس هي معاها حق انت فين وهيثم فين
ده مهندس وصاحب شركه
عنده فيلا وعربيه احدث موديل
وعامل زي ابطال الافلام الاكشن !!!
وانت شاب بكرش مش لاقي تاكل
يا عم ده انت بتستلف منها كل شهر
عشان تدفع ايجار الاوضه الكحيانه
اللي انت قاعد فيها على السطوح !!!
