بيت الۏحش
انت في الصفحة 1 من 3 صفحات
بيت الړعب ده مستحيل أدخله ده بيحصل جواه كوارث أنتوا بتهزروا
ده كان رأيي لما صحابي صمموا أننا نغامر وندخل بيت الړعب سوا وكانوا مصممين جدا لأن صاحب الملاهي قال أننا نقدر نكتشف حقايق جوه خاصة بحياتنا الشخصية مش مجرد لعبة عادية!
كان راجل مريب والمكان كله أصلا مش طبيعي. التراب اللي على الألعاب وصوت الصرير اللي بيطلع من كل لعبة بيدل أن المكان ده مشتغلش من سنين طويلة.
مبعملش حاجة في حياتي غير أني بمشي ورا أفكار صحابي الچنونية على الرغم من أني أكتر واحدة فيهم جبانة وبتترعب من خيالها إلا إني كنت بحب اغامر واعمل زيهم.
إحنا خمسة صحاب زينب وكريم وأحمد وأيمن وأنا
نعرف بعض من أيام الجامعة وكانت علاقتنا قريبة أوي ومقابلاتنا شبه يومية.
إحنا وقتها افتكرنا أن علاقتنا هتتفكك بسبب خطوبة زينب لأيمن وكريم خلاص هيبعد عننا خصوصا أن كلنا كنا شايفين أن أيمن مناسب ليها أكتر وشجعناها أنها تاخد الخطوة.
لكن كريم كان أعقل مننا وقال إن حبه ليها كان مجرد وهم ومراهقة قديمة وانتهت. مقدرتش اصدق مشاعره بسهولة وطول الوقت كنت بحس في عينه نظرات قلق وتوتر لما بيشوف زينب وبيحاول يخفيها.
في يوم قالنا أيمن أن في كافيه معزول في مكان زراعي على طريق الشرقية فتح جديد والناس بتروح هناك عشان تستجم وتريح أعصابها وسط جو ريفي بعيد عن التكدسات والزحمة.
أيمن أتصل بيا وقالي أكلم باقي الشلة وأشوف رأيهم ولما كلمت أحمد أعتذر وقال إنه مسافر ومش هيقدر يجي معانا لكن الباقي وافق على طول وقررنا نطلع إحنا الأربعة.
خدنا أيمن تاني يوم في عربيته كنت راكبة أنا وكريم ورا وهو وزينب قدام وفي قمة سعادتنا أن أخيرا حددنا يوم وخرجنا.
يومها حبيت اتمشى وسط الأراضي واستكشف المكان من فضولي وكريم جه معايا حرجا أنه ميقعدش مع أتنين مخطوبين لوحده يعني ويسيبهم شوية لوحدهم.
أنا فضولي خدني واستغليت أنها فرصة إننا لوحدنا وقولت اخليه يفضفض شوية باللي جواه وسألته لسه في مشاعر جواك تجاه زينب
لقيته ارتبك كده وعينه بتهرب مني في كل مكان وهو بيقولي إطلاقا كانت الإجابة في عينه قبل ما
