روايه وصمه ۏجع

إن المركز هنا رجع يشتغل زي زمان وفرحانة انك قدرت تتخطى اللي حصل ده 
تنهد ياسر بۏجع وحاول تخطي الأمر وقال بس قوليلي أنا عارف إن عندك شغل كتير اليومين دول ليه يمني ماراحتش مع آسر وأنتي شوفتي شغلك 
زفرت وقالت يمني أختك دي حكايتها حكاية.. رافضة تروح عند يوسف ورافضة تقابله ومقولكش بقى بيتصل عليا كل يوم إني أحاول أقنعها تعطيله فرصة ثانية ويبدأوا من جديد وأنت مش تايه عن دماغها رافضة أي كلام في الموضوع ده وأنا مش عارفة اعمل إيه 
قال بهدوء سيبيها براحتها متغصبيش عليها وفهمي يوسف إن لو له نصيب فيها هياخدها 
هزت رأسها توافقه الرأي وقالت هو ده فعلا اللي هيحصل طب وآسر 
رد عليها بتساؤل ماله آسر 
قال وهي تهز كتفيها مش عارفة ماله.. حزين دايما والابتسامة اللي كانت ماليه وشه خاصمته وساكت أغلب الوقت 
قال لها مطمئنا متشليش هم آسر بكره الجمعة وأنا هقعد معاه أشوف ماله أهم حاجة أنتي ياياسمين 
تنحنحت وقالت بإبتسامة مزيفة أنا مالي أنا زي الفل أهم حاجة اطمن عليكم وعلى ولادكم 
نظر لها نظرة ذات معنى وقال إحنا كمان من حقنا نطمن عليكي طول عمرك بتدي وشايلة هم الكل من حقك تشاركينا همك
نظرت للأرض بحزن ثم رفعت رأسها وقالت له مفيش هم ولا حاجة اطمن كل حاجة هتكون تمام 
فاجئها بقوله طب ومراد بينكم إيه
ابتلعت غصة مؤلمة وقالت مبقاش بينا حاجة مجرد وقت وكل حاجة هتنتهي
قال بحزن معقول بعد الحب ده كله اللي بينكم ينتهي 
ردت بۏجع الحب عمره مابني بيوت البيوت اللي بيبنيها المشاركة واللي بيدفيها الإهتمام واللي بيحافظ عليها الټضحية 
طرق الباب ودخلت الممرضة الخاصة بمكتب ياسر وقالت آسفة لحضرتك بس دكتور البنج بيستعجلك عشان حالة الولادة 
أجابها تمام اتفضلي وجاي وراكي
نهضت ياسمين بإبتسامة وقالت أسيبك أنا وبكرة هجيب جني وفادي ونتجمع عند ماما 
ابتسم لها وقال بس إحنا مخلصناش كلام
ردت عليه بكرة نكمل سلام يا حبيبي
أبشع شعور من الممكن أن يشعر به إنسان هو شعور الفقد وخاصة إن كان لك شخصا بالنسبة لك حياة كم هو مؤلم أن تفتقد السند والظهر والدعم!!... كم هو مؤلم أن تشعر أنك انتهيت بمجرد رؤية عزيز عليك يغلق عليه قپره وانتهى وجوده من الحياة ولم يتبقى منه سوي ذكراه.. والأوجع من ذلك إن كان ذلك الشخص هو الأم تلك التي وهبتك الحياة ... إحساس اليتم أشبه بنزع الروح من جسد شخص يتحرك فقط مهما طال به العمر يظل ذاك الطفل الذي ذهبت روحه مع روح أمه.
أسبوع مر ودموعها لم تتوقف دموعها لحظة شعرت باليتم حقا وتلك المرأة التي وعت للدنيا وهي بين أحضانها
تركتها تلك المرأة التي لم تجد في الحياة من هو أحن عليها منها ورغم أنها لم تخرج من رحمها ولكنها لم تشعرها بذلك لحظة كيف
للحياة أن تكون قاسېة لهذا الحد كيف للقدر أن يكون بهذا الجحود الذي ينزع منها الحياة على غفلة
تتذكرها وتبكي بحړقة على فقدانها الذي ېحرق كل خلية بداخلها ولم تجد من يواسيها تمنت لو تلقت لو جزء بسيط من دعمها ولكنها كل يوم تكتشف قسوته عن اليوم الذي يسبقه وهاهو يدخل عليها حاملا بعض الأكياس يبحث عنها في الشقة وأخيرا وجدها تجلس منحنية على السرير تبكي كما تفعل منذ أن عادت منذ ثلاث أيام من عزاء أمها.
زفر بضيق وقال إيه ياغصون مش هنخلص من المناحة دي بقى أمال لو كانت أمك كنتي عملتي إيه
اعتدلت تنظر له بعينين تاه جمالهما من شدة البكاء وردت عليه بأنفاس تتقطع من شدة البكاء وقالت پغضب ممزوج بالبكاء متقولش كده تاني ياسعد حرام عليكأنا معرفش أم غيرها هي كانت أمي ودنيتي
كلها 
زفر بضيق وقال طب قومي جهزي الغدا عشان اتنين صحابي جايين يتغدوا هنا
نظرت له بعتاب وقالت مليش نفس اعمل حاجة ولا أنا قادرة
نظر لها پغضب وقال بإستنكار لا بجد يعني اقول للرجالة متجوش أصل المدام ملهاش نفس تطبخ
قالت بدموع حرام عليك يا أخي ارحمني
رد عليها بعصبية إلهي ماتشوفي رحمة لا ف دنيا ولا ف آخرة ياشيخة فذي يابت قومي أنا مستحمل نكدك بقالي كام يوم وقول اصبر ياواد اصبر لكن خلاص بقى صبري نفد ومبقتش مستحمل دلعك ده 
تنهدت بۏجع ودموع لا تنضب وقامت تلتقط الأكياس متجهة بها للمطبخ باستسلام لتنفيذ ماطلب قال لها وهي تسير مولية له ظهرها أنا نسيت أجيب سجاير هنزل أجيب وراجع لو طاهر وسالم جم افتحيلهم يستنوا في أوضة الجلوس على أما ارجع
التفتت له متعجبة وقالت هما مين اللي ادخلهم أنا مش هدخل حد وأنت مش موجود يبقوا يستنوا تحت أما ترجع
قال پغضب يستنوا فين ياختي دول جايين من طنطا وأنا مش هتأخر عشر دقايق وراجع 
قالت بإصرار مش هدخل حد ياسعد حتى لو جايين من الصين مفيش رجالة غريبة داخلة الا لما ترجع أنت
زفر بضيق وقال بإستهزاء ماشي