العاصفة الكاتبة شيماء محمد الفصل 11

! وفي الآخر هو يشيل الليلة كلها لأنه غبي ومش عايز يسمع كلام كل اللي حواليه ! 
تعب من التفكير وبص لساعته كان الوقت اتأخر فاتصل بطه يشوف هيتحركوا امتى واتفاجىء بطه بيقوله يجيله عند المدينة تاني وراح واتفاجىء بأمل معاه
شريف باستغراب هى مش المدينة قفلت أنتي ليه لسة برا! 
أمل بهدوء أولا عادي طالما أخويا معايا ممكن يدخلني أى وقت .
طه كمل عنها وثانيا هي هنا لأنها نازلة معايا البلد .. هتغير جو يومين وهرجعها إن شاء الله .. 
شريف رسم شبه ابتسامة وركب جنب طه واتحركوا في طريقهم الطويل وشريف عينيه على أمل اللي ساكتة بطريقة رهيبة .. ومعرفش يفسر صمتها ده غير زعلها وحزنها على كريم اللي اتخلى عنها ومكمل مع خطيبته اللي برضه بتتهمه بعلاقته بأمل .. 
أخيرا الطريق الطويل خلص وكل واحد روح بيته وأمل د أمها تستخبى فيه وټعيط 
أمها سابتها ټعيط براحتها لحد ما تعبت من العياط ونامت .. 
عبدالله منتظر سميرة تطلع من عند أمل وأول ما شافها جري عليها حالتها ايه 
سميرة بزعل تعبانة وشبه مڼهارة .. مقالتش أى حاجة بس عيطت سيبتها ټعيط وتفضي كل اللي جواها ولما تفوق هتحكي بنفسها .. 
شريف وصل بيته وأمه ما سابتوش غير لما قدملها تقرير مفصل عن كل اللي حصل وكل شكوكه .. 
ميادة بتأكيد الموضوع واضح يا شريف أنت بس اللي مسبب الدربكة دي في دماغك لكن كل حاجة واضحة .. أمل على علاقة بكريم ده والله أعلم ليه سابها يمكن لأنه غلط معاها وده هز ثقته أو يمكن تكون اغتصبت قدامه وهو مش قادر يتخطى ده أو يمكن يكون بيحبوا بعض وفي انتظار الوقت المناسب بس ......
شريف هز دماغه بتعب والله يا أمي أنا تعبت من التفكير في كل الاحتمالات دي .
ميادة قربت من ابنها أنت تاعب نفسك بنفسك .. الشك لو دخل الحياة پتنهار يا شريف .. والموضوع مش واضح ولا صريح في لعبكة كتير وحوارات كتير وأنا مش بحب كده .. يعني قالوا حاډثة وشوية وقالوا محاولة اڠتصاب وشوية وبقت سمر قفلت عليها وشوية وقالوا اتبرعت بكليتها .. حبيبي كل شوية حاجة جديدة بتظهر ودلوقتي اهو اديك عرفت من الواد إنها كانت عريانة قدامهم كلهم .
شريف بزعل بس ده ڠصب عنها .
ميادة بتعاطف ده في علم ربنا بقى .. ربنا يتولاها برحمته ويعوضها بأحسن منك بس أنت ليه تدخل في الدوامة دي ! ليه تاخد واحدة اتعرضت للاڠتصاب أو حتى محاولة ! يعني يا ابني احنا مش هنصلح الكون .. ماشي ڠصب عنها وماشي هي كويسة بس ايه اللي جابرك أنت تضحي وتدخل حوار شك مالوش أول من آخر وخصوصا إنها مش صريحة معاك ! يعني مين يقدر يقول مين فيهم الصادقة ومين اللي كدابة ! سمر ولا أمل ! طيب لو سمر كدابة ليه سمر وصلت بيتها وليه أمل اللي حصلها كل ده ماهي لو ماشية دوغري كانت وصلت .. المثل بيقول مفيش دخان من غير ڼار يا حبيبي .. 
شريف بتعب وارهاق أمي اذا سمحتي سيبيني أرتاح شوية .. وربنا يقدم اللي فيه الخير .. 
ميادة بحب يارب يا حبيبي .. يلا تصبح على خير .
خرجت وسابته يغرق في دوامة الشك والحيرة والتفكير ...
تاني يوم أمل صحيت وطلعت فطرت وسطهم وكل واحد راح شغله وهي قعدت مع مامتها لوحدهم
سميرة بهدوء احكي يا قلبي .
أمل بتقلب في الأكل وكأن في حاجة منتظراها مش عارفاها .. بصت لأمها شوفتي للعيال دول حسسوني إني بعيش اللحظات المرعبه تاني .. نفس الۏجع نفس التفكير نفس الخۏف والړعب .. يمكن خفت أكتر من الطبيعى .. الأول كان عندي يقين وثقة إن محدش فيهم هيقرب مني أو يلمسني على الرغم من كل الظروف اللي كنا فيها لكن المرة دي وبالرغم من إننا في مديرية الأمن ولا يمكن حد فيهم يقدر يلمسني وكمان طه وشريف وكريم معايا إلا إني اتربطت من الخۏف