حكمنا الهواء الكاتبة شيماء محمد الفصل الخامس

مش هتشوفني تاني .
ضحك جامد وهي استنته يبطل ضحك لحد ما فعلا سكت ورد باستخفاف وايه تاني يا رشا عايزة ايه تاني  
فكرت وكشرت هعوز ايه تاني أنا طليقتك وأم ابنك ومسئولة منك و .....
قاطعها بتهكم وايه تاني مش عايزة عربية ولا رصيد في البنك  
قاطعته پغضب انت بتتريق أنا بطلب أقل من حقوقي .
زعق باستنكار سيادتك مالكيش أي حق قال شقة قال ! انتي اتهبلتي ولا اټجننتي ولا جرى لدماغك ايه بقولك ايه ابنك يخلص امتحانات وخديه اشبعي بيه اشبعوا ببعض انتوا الاتنين وما تضايقنيش تاني بطلباتك السخيفة اللي زيك دي . 
قفل السكة في وشها وهي اتنرفزت وبتفكر تعمل ايه  
فكرت وحمدت ربنا انها أخدت تليفون هند من أنس واتصلت بيها.
هند ردت بتردد أيوة مين  
جاوبتها بهجوم أنا اللي خطفتي جوزها .
اتنهدت بزهق يااا ده انتي ما بتزهقيش بقى ! ده ايه الملل ده بقولك ايه أنا ولا فاضيالك ولا رايقالك سلام.
وقفتها قبل ما تقفل لسه مكلمة بدر .
استنت بفضول والتانية ابتسمت بظفر انها عرفت تشدها وكملت كنت بعرض عليه أسيبكم في حالكم تتجوزوا وتتبسطوا بس بدر رفض الظاهر انه ما يقدرش يستغنى عني ولا ايه مش عارفة 
ابتسمت لمحاولاتها وعلقت ابقي اتغطي كويس يا رشا الأحلام الكتيرة دي بتوجع لو كترت أوي .
ضحكت لا لسه قافلة معاه وابقي اسأليه وعرضت عليه أسيبكم وهو رفض .
اتنهدت بزهق هتسيبينا في حالنا وترحمينا من غلاستك في مقابل ايه نوعيتك ما بيعملوش حاجة لله أبدا فانتي عايزة ايه  
ابتسمت مش كتير كل اللي طلبته شقة ومرتب وهو عنده بدل الشقة بيت كامل فيه يجي ١٥ شقة يديني واحدة منهم ومرتب من إيجارات الشقق دي وفي المقابل مش هتشوفوا وشي ولا تسمعوا صوتي 
ضحكت هند باستخفاف مش عايزانا نجهزك و نجوزك بالمرة ده ايه الغلب ده ما تفوقي يا بنتي من الغيبوبة دي قال شقة قال ! بت انتي ما تصدعينيش تاني .
قفلت السكة في وشها وهي اتنرفزت وفضلت ټشتم في الاتنين . 
هند كلمت بدر وقالتله اللي حصل وهو قالها تكبر دماغها منها بس اقترحت ما تخليها فعلا تقعد في شقة في البيت بتاعك ليه لا يا بدر أهو نخلص من زنها .
رفض بهدوء الأشكال دي مش هتخلصي من زنها أبدا ازاي تصدقي واحدة زيها كده دي بس بترازي اللي حواليها وخلاص بعدين خليها تاخد أنس اللي لو راح عندها يومين هيشوفها على حقيقتها وتتغير نظرته ليها ولينا أنس لازم ياخد يومين معاها علشان يعرفها على حقيقتها لو اتصلت بيكي تاني ما ترديش عليها .
دكتور ممدوح في مكتبه والباب خبط بعدها طلب الدخول من اللي برا 
دكتور حضرتك طلبتني اؤمرني 
ممدوح علق بجمود كل كلامك مش مظبوط ازاي واحد يعرف واحدة ويحبها ويروح يخطب غيرها كل كلامك مش منطقي وبعدين اللي حصل ده كيدي لازم يكون كيدي .
يا دكتور ونظراتهم شوفت نظراتهم في الصور دي كمان الدبلة أكبر دليل .
علق باستخفاف الدبلة لا تعني شيء وبعدين دول مجرد حرفين ممكن يكونوا شذى يعني حرف ال ش !
كملت بتهكم ووممكن يكونوا همس وسيف وده اللي حضرتك رافض تصدقه الاتنين مرتبطين بقصة حب .
جاوبها پغضب وده اللي أنا ماحسيتهوش للأسف.
ردت بانفعال لأن حضرتك رافض تسمع وتشوف أصلا الاتنين بيحبوا بعض وعلى علاقة ببعض وبيخرجوا مع بعض ومش بس كده ده بيديلها الامتحان وبيحله معاها