حكمنا الهواء الكاتبة شيماء محمد الفصل الاول
بصوته كله وخاطر بصله بعتاب شوف بيضحك ازاي بعد ما بيجيبلنا الكلام
بدر رفع ايديه باستسلام لا لا ماليش دعوة بدي يا عمي ده غلطك انت لوحدك يعني حد يكون متجوز القمر ده وما يركزش معاه غلطان يا عمي .
هند خبطت بدر على دراعه وهو بصلها ببراءة مش بوعيه يا بنتي
بصتله باستغراب بتوعيه ولا بتولعها
ضحك بولعها بصراحة بيبقى شكلهم حلو أوي وهما بيتناقروا .
علقت وهي بټضرب المعلقة بغيظ في الكاس أنا برضه يعني هو يقولها بټخطفي قلبي وانت تقول أركز في الكاس
هند وبدر انفجروا في الضحك وبصت لخطيبها عندك حق دول عسل لما بيتناقروا .
بدر بصلهم ودعا من قلبه ان دي تكون حياته هو ومراته بعد عشرين سنة من دلوقتي ابتسم واقترح ايه رأيكم لو ننزل معرض الأجهزة نخلص الحاجات اللي فاضلة يعني بالمرة هند تختار وانتوا معاها
رد بهدوء عايز واحدة تانية في أوضة النوم يا عمي كمان التكييفات لسه ناقصة وفي حاجات في المطبخ لسه ناقصة .
فاتن بصتله باهتمام حبيبي ايه اللي ناقص في المطبخ كل أجهزة هند كاملة
هند بصتله باستفسار أيوة فعلا ايه اللي ناقص
استغرب سؤالها انتي مش قلتي النهارده قدام أصحابك انك عايزة القلاية الهوائية دي والمايكرويف
بصلها بحب طالما عايزاهم هجيبهم هتفرق ايه دلوقتي من بعدين بعدين لازم أهتم بكل حاجة انتي عايزاها امال مين اللي هيهتم
ابتسم لأبوها مع احترامي يا عمي لحضرتك بس هي بتتكلم عن حاجة هتحتاجها وتستعملها في بيتي مش بيتك فأنا ملزم باحتياجاتها مش حضرتك .
خاطر هيعترض بس فاتن وقفتهم بس انتوا الاتنين خلونا نقوم ونشوف ايه ناقص وبعدها نبقى نشوف مين مهتم أكتر من مين !
بدر شاور للجرسون يجيب الفاتورة وجابها واداهاله وبدر بصلها وبدون اهتمام طلع الفيزا ودفع وبصلهم بابتسامة يلا لاحظ نظرات خاطر فسأله خير يا عمي حضرتك محتاج حاجة
بص لمراته اللي ابتسمت وربتت على كتفه وهما قايمين واتحركوا يشوفوا ايه ناقصهم
بيتمشوا وأنس جه يجري قصاد أبوه وقفه ينفع تجيبلي بلاي ستيشن الإصدار الجديد
أبوه داعب أرنبة أنفه سلمني شهادتك أسلمك البلاي ستيشن لكن مش هجيب دلوقتي في دخلة الامتحانات دي.
كشړ وبص لهند اللي ضحكت هو عنده حق بس أوعدك لو جبت درجات حلوة اني هاخدك أنا وهو ونجيب اللي انت عايزه لكن مش قبل الامتحانات .
ضحكوا وكملوا اللي محتاجينه واتخانقوا كتير لحد ما بدر فاز في الجولة دي .
حازم اشترى موبايل جديد خاص بمكالماته السرية واتصل بصاحبه السري الو أنا حازم .
الرقم ده ايه
ابتسم جديد والموبايل جديد ما تقلقش .
ياريت بقى نشوف المهم ونبطل الحاجات الجانبية اللي مالهاش قيمة دي عرفت كريم المرشدي عمل ايه ولا سيف وصل معاه لايه
حازم بحيرة لا معرفش بس كان عندك حق اني أتخلص من الموبايل تخيل انهم وصلوا لمكان ما رميت الموبايل بالظبط يعني لو كان معايا كانوا قفشوني .
كريم المرشدي مش سهل أبدا ده لعبته وهوايته فك الألغاز أنا عايزه يبعد عن الصورة وانت بغبائك دخلته واللعب معاه مش سهل أبدا أصلا اللعب مع سيف نفسه مش سهل أنا مش فاهم ازاي ورطتني معاه علاقتك بأخته أخبارها ايه ما تاخد خطوة معاها جدية
رد باستنكار آخد خطوة ازاي يعني بعد ما سيف طردني أصلا ما بتردش عليا ومش عارف مالها
اعرض عليها الجواز اقنعها بحبك خليها تتجوزك قولها تتجوزوا عرفي وحاول تقنعها .
عينيه وسعت بعدم تصديق عرفي ده سيف ېقتلني .
لو هي اتجوزتك بمزاجها يقتلك ليه أخته اللي
