جانا الهواء الكاتبة شيماء محمد الفصل ٣٢
وبصتله فوضح بعشق زي ما قلتلك ماقدرتش أشوف غيرك لابسه فجيبته .
ماعرفتش تقول ايه أو تنطق حتى بس بعدها ردت بحيرة ولنفترض مش مقاسي
ابتسم بثقة مقاسك أو أنا متأكد انه مقاسك همس أنا بجد مش عارف أنا ليه اشتريته بس أقسم بالله لقيتني قدام المحل وبدخل وباخده وأنا مش عارف هعمل بيه ايه أو بجيبه ليه فعلشان خاطري اقبليه البسيه في فرح هند وبدر مش قلتي هيتجوزوا في أول الإجازة
ابتسم هو كمان خلاص البسيه وقتها وخليني أشاركك بشكل أو بآخر في الفرح ده سكت وكمل بغصة ألم أينعم كنت بتمنى أحضره معاكي بس مفيش نصيب .
قفل العلبة وعطاهالها وهي مسكتها بحيرة هقول للبنات ايه وهقول لبابا وماما ايه
حرك راسه بحيرة مش عارف والله ما عارف أقولك ايه
هزت راسها وسابته وأخدته وطلعت وخلود أول ماشافتها سألتها بتعجب كنتي فين وايه العلبة دي ومين جابها
اتراجعت وهي مش مصدقاها مع نادر ولحقتي تلفي وتشتري
بصتلها لفترة وبعدها جاوبتها بجمود ما لفتش فتحت العلبة وكملت ده فستان كان عجب نادر وأخدني بس أشوف مقاسه وأجيب المناسب وعجبني فجيبته .
خلود طلعت الفستان وانبهرت بيه ده تمنه ايه ده أكيد غالي .
ابتسمتلها وهي بتبص للفستان اللي شكله فوق الروعة كلمت باباها طلبت منه فلوس علشان تجيب فستان تحضر بيه فرح أختها وهو بعتلها اللي محتاجاه وبكده مهدت لظهور الفستان وهي من جواها متضايقة من كدبتها .
بصتله وهي بتشرب من كوبايتها مش بيجي كتير ومابقاش متواجد في الكلية زي الأول بس تصدق سوري يعني هو صاحبك اه بس هو رخم وعايش دور الجد أوي وخنيق اوفر .
ضحكوا الاتنين وهي سألته بفضول ليه بتقول انه رخم
كان حذر جدا وهو بيتكلم جد زيادة عن اللزوم وساعات كتير بحس انه عايش الدور أوي وعايش دور المثالي أوي وهو مش مثالي ولا نيلة بس للأسف مش بعرف أمسك عليه غلطة دايما حريص .
نانيس افتكرت يوم ما شافته ماسك ايد همس في المصنع وصورتهم وافتكرت في الميا لما نط وجابها
ابتسمت افتكرت كام موقف له هو فعلا مش مثالي أبدا.
أكد بسرعة وأبعد ما يكون عن المثالية أنا عايز أقولك ان ساعات كتير بحس انه بوشين أو لا كذا وش وش الدكتور الجامعي المحترم ووش المهندس اللي ماسك الشركة وعامل نفسه عم المهم وش الخطيب اللي خاطب واحدة مركز وستايل وآخرهم وش الحبيب اللي عايش الدور مع عيلة .
عينيها لمعت بلهفة انت تعرف حكايته مع العيلة دي
بصلها وقرب منها بمكر أعرف بس ماعنديش دليل للأسف .
بصتله باهتمام واللي يديلك الدليل هتعمل بيه ايه
بص حواليه وكأنه بيطمن ان محدش سامعهم ورد ببساطة ولا أي حاجة بس حاجة أكسر عينيه بيها لما يقف قصادي يتبجح بإنجازاته ويتفاخر بيها .
اتراجعت بتوتر وهو كشړ وسألها امال انتي عايزة تعملي ايه
بصتله وهي مترددة تثق فيه ولا لا فشجعها قولي بتفكري في ايه أنا معاكي في اللي هتقوليه .
علقت بهدوء انت صاحبه الانتيم
ابتسم لأنه فهم انها عايزة تعمل حاجة أكبر كنت تعرفي انه طردني من الشركة .
شهقت بجد ليه
كشړ علشان عارضته علشان قال ايه اتعديت حدودي معاه ما تخيلتش أصلا ان بينا حدود بس طلع ليا حدود في التعامل مع سيادته أنا شلت الشركة مع أبوه وهو مسافر وبعد ما رجع أول حاجة عملها طردني .
ابتسمت وقربت بص أنا سيف ما يهمنيش أوي اللي
