جانا الهواء الكاتبة شيماء محمد الفصل ٣٠

اني غريب عنكم .
سيف رد پغضب انت اللي عملت نفسك غريب ودلوقتي وجودك مش مرغوب فيه أبدا فاتفضل من هنا .
حازم قرب من سيف واتكلم بهمس هنا انت مش هتقدر تطردني أو تمد ايدك لان في الصحافة حوالينا .
بعد عنه وبصله وهو مبتسم بعدين الدعوة عامة وحماك اللي عزمني انت ناسي اني كنت المسئول الرئيسي عن المشروع بتاعه ولا ايه  
سيف ابتسم بتهكم وماله يا حازم خليك .
جه يبعد بس حازم مسك دراعه برجاء سيف خلينا نتكلم وحاول تقدر وتفهم اني حبيت آية و ....
قاطعه سيف وشد دراعه پعنف واتكلم بصوت واطي بس صارم وبيأكد كل حرف اوعى تنطق اسمها على لسانك كنت ناوي أسيبك في الحفلة بس الصراحة انت جبت آخرها .
بعد ومروان بصله يعاتبه انت ايه اللي جابك يا حازم دلوقتي بعدين المفروض تحاول تصالحه مش تعاديه كده 
حازم كشړ وبصله عندك كلمة عدلة قولها ماعندكش اسكت ياريت وبعدين من امتى انت الناصح الأمين ها 
سيف بعد عنهم وشاور للأمن اللي قربوا بسرعة وهو شاورلهم على حازم وطلب منهم يخرجوه برا النادي كله .
اتنين من الأمن قربوا منه وهو بص لمروان بغيظ شوفت تصرفه خليك فاكر يا مروان تصرفاته لان هيجي يوم وهيكون الوضع معكوس وأنا اللي هطلبله الأمن يطلعوه برا وبرضه مش هعمل حساب الصحوبية اللي بينا واليوم ده قريب أوي . 
مروان استغرب كلامه جدا بس ماعلقش والأمن بهدوء طلب من حازم يخرج معاهم و خرج بصمت.
مروان جتله مكالمة فانسحب ووقف بعيد علشان محدش يشوفه واتكلم بتوتر وصلتوا لايه
سمع الرد على الناحية التانية وبعدها رد بقلق هتصرف والله هتصرف ادوني بس فرصة وهعمل كل حاجة المشكلة اني مش عارف أوص......
قطع كلامه لان سيف نادى عليه من بعيد فارتبك واضطر يقفل بسرعة وراحله بابتسامة مصطنعة سيف سأله باهتمام شوفتك بتتكلم في الموبايل بتكلم حد مهم وأنا قاطعتك  
مروان ارتبك بس رسم ابتسامة لا لا ما تشغلش بالك أمي مسافرة وكل شوية تتصل تطمن أو ترغي وكويس انك ناديتلي علشان ما تفتحش معايا حوار الجواز وأشوفك في بيتك والكلام الفاضي ده .
ابتسم سيف بحزن وهز دماغه بتفهم وكملوا كلامهم بشكل عادي .
أخيرا انتهت الحفلة والكل بدأ يروح وسيف مع العيلتين وعز بيسأل هتروحوا خلاص  
عصام بصلهم اه كفاية بص لبنته وسألها هتروحي معانا يا شذى ولا خطيبك هيوصلك زي ما جابك  
سيف كشړ تلقائي واتمنى تروح مع عيلتها بس شذى مسكت دراعه بدلال مع خطيبي أكيد يا بابا بصتله سيف هتوصلني  
فكر يرفض بس سلوى اللي ردت أكيد يا شذى هيوصلك ده ما هيصدق أصلا .
ضحكوا كلهم ماعدا سيف وهزروا شوية وسيف ساكت تماما وبعدها بدأوا يتحركوا شذى جنب سيف بصتله ومدت ايدها على خده فاستغرب وبعد وشه وبصلها فابتسمت سوري لو كنت اتنرفزت واحنا جايين بس اتضايقت لما انت اتأخرت بالشكل ده مع كلام البنات وزوزو فاعذرني ممكن  
سيف باقتضاب حصل خير يا شذى موضوع وعدى خلاص بس صدقيني أنا فعلا نمت ڠصب عني واتفاجئت ببابا بيصحيني . 
 بجمود ما اتأثرش مركز على الطريق وبيسأل نفسه ليه مفيش ولا مرة همس سندت على كتفه بالشكل ده ياه لو هي اللي معاه دلوقتي كان هيبقى أسعد راجل في الدنيا.

ونكمل بكرة
توقعاتكم
بقلم الشيماء محمد احمد
شيموووو