جانا الهوى الكاتبة شيماء محمد الفصل 29

سيف طلب من همس تنزل وتستناه برا فبصت لعينيه ودموعها نزلت لأنها شافت النهاية في عينيه . 
وقفت مش قادرة تتحرك وهو مش قادر يتكلم بس لازم ياخد الخطوة دي للأسف مفيش مفر منها فاتكلم بحزن همس اسبقيني وأنا وراكي على طول يلا . 
نزلت وهالة كانت مستنياها وشافت شكلها أخدتها في حضنها بقلق مالك يا همس قالك ايه 
بصتلها ومسحت دموعها پألم لحد دلوقتي ماقالش بس طلب مني أخرج برا أستناه.
ابتسمت تطمنها اخص عليكي خضيتيني أكيد هيصالحك هيعتذر انه بعد الأيام اللي فاتت وهيقولك قد ايه بيحبك ومش قادر يستغنى عنك ولا يبعد عنك .

همس بصتلها برفض لا يا هالة انتي ما شوفتيش شكله وهو بيكلمني سيف هينهي علاقته بيا .
حاولت تطمنها بس همس اتراجعت وسابتها وخرجت علشان تقابله والمكتوب هتشوفه . 
سابتها ومشيت وخلود قربت من هالة ومراقبينها الاتنين فاتكلمت خلود بغيظ هي مش هتحضر معانا النهارده للدرجة دي بقت بتهمل في دروسها سيف المفروض يهتم بدروسها أكتر من كده
هالة بصتلها بضيق احنا موجودين وأي حاجة هتفوتها هنقولها عليها وسيف أكيد بيهتم بدراستها ومستقبلها وهو نفسه لو حاجة فاتتها هيعوضهالها وانتي عارفة ده كويس .
اتراجعت وردت بتوتر أنا بس خاېفة عليها ما تهاجمينيش أنا رايحة المحاضرة هتيجي ولا هتستنيها 
هالة بصت ناحية الباب اللي همس خرجت منه وبعدها بصت لصاحبتها هحضر أكيد حتى أقدر أساعد همس وأشرحلها المحاضرة يلا بينا .
همس وصلت كان سيف مستنيها في عربيته فركبت جنبه اتحرك على طول بدون ما يتكلم وهي ساكتة وجواها شبه يقين ان دي النهاية بتحاول تسيطر على أعصابها بس الخۏف مسيطر عليها بصت لايده على الغيار جنبها وسألت نفسها لو مدت ايدها مسكت ايده هيعمل  
لسه هتمد ايدها بس هو سحب ايده وحطها على الدريكسيون بتوتر وكأنه قرأ أفكارها وحب يقطع عليها الطريق حست برعشة في جسمها وضمت ايديها حواليها ودموعها نزلت ڠصب عنها سيف مابقاش ملكها خلاص بصت بعيد في الشباك وماقدرتش تنطق حرف واحد وهو مراقبها بصمت وۏجع و مش عارف ازاي هيبلغها بقراره 
عز وصل الشركة ودخل مكتبه وقاعد مهموم قاطعه خبط السكرتيرة على الباب دخلت وبلغته ان حازم عايز يقابله ضروري استغرب وجوده بس طلب منها تدخله .
دخل وقرب منه وبعد السلام عز مستني منه يوضح سبب زيارته وهو بالفعل بدأ يتكلم بأدب عمي حضرتك عارف ان أنا وسيف أصحاب من زمان جدا و وارد جدا أي أصحاب يتخانقوا وأنا معترف اني غلطت وضايقت سيف بس يا عمي طمعان في كرمك انك تتدخل .
بصله باستغراب أتدخل ازاي 
وضحله تصالحنا على بعض عمي شوف ايه يرضيه وأنا مستعد أعمله أنا مش مستعد أخسر سيف كصاحب أبدا .
اعترض بهدوء يا ابني أصالحكم ازاي وأنا مش عارف أصلا سبب لخناقكم 
رد بسرعة ايا كان السبب يا عمي عشرة السنين اللي بينا تغفر أي غلط احنا بس شدينا في الكلام والموضوع اتطور بسرعة بس يا عمي أنا ما أقدرش أستغنى عن صداقتي بسيف وكمان شغلي هنا أنا كنت بعتبر الشركة دي بيتي وعمري ما تخيلت أبدا أسيب بيتي ده إذا سمحت يا عمي ساعدني أرجع بيتي .
بدر في المدرسة قاعد وسط المدرسين وهند قريبة منه بيتكلموا عن شقتهم وفرشها وأصحابها بيشاركوهم بآرائهم قاطعهم دخول العامل وقف ورا بدر اللي بصله خير يا عم متولي في حاجة 
متولى كان متوتر وبينقل نظراته بينه وبين هند اللي لاحظت وعلقت بتعجب مالك يا عم متولي في ايه بتبصلنا كده ليه قول على طول . 
متولي اتراجع وبص لبدر طيب ينفع تيجي برا 
بصله بدهشة سر يعني عم متولي انت محتاج حاجة 
نفى بسرعة لا لا يا ابني .
استغرب أكتر طيب قول على طول يا راجل في ايه 
قرب منه وبدر وقف يسمعه في واحدة بتقول انها مراتك عايزة تقابلك أنا مارضيتش أدخلها هنا