روايه زواج بالاجبار بقلم ايه موافي الفصل ٨ و٩

بعد مروان ايدها عنه وقال بعصبية
انا مش قولتلك اخر مرة معنتش عايز اشوف وشك
خرج مروان بسرعة ورا ميرنا ولقاها داخلة مكتبها شدها ليه بسرعة وقال بتوتر
ميرنا صدقيني انتي فاهمة غلط
بعدت ايده عنها ببرود وقالت متبررليش حاجة يا استاذ مروان عشان الموضوع دا ميهمنيش بس ياريت زي ما قولتلك تعمل القرف دا بره الشركة عشان الموظفين ميتشبهوش
دخلت مكتبها وقفلت الباب وهو قال بعصبية
ايه الحظ ده يعني بحاول اقربها مني تقوم الزفتة دي جاية
بص ناحية مكتبه بعصبية ودخل لقاها قاعدة على الكرسي قدام المكتب وحاطة رجل على رجل شدها جامد بعصبية وقال بحدة

انتي ايه اللي جابك هنا!
فرح هو انا موحشتكش ولا ايه يا ميرو!
مروان بعصبية هو انا مش اخر مرة نهيت كل حاجة بيني وبينك! جاية ليه!
فرح انا مكناش اعرف اني ههون عليك للدرجة دي يا مروان
مروان بزعيق فرح متعصبنيش
فرح ببرود كل ده عشان السنيورة! وانا اقول ليه قلبه قسي اتاري في واحدة في حياته اخدته متي
مروان بعصبية انتي هتستعبطي ولا ايه! ليه محسساني ان كان في بينا قصة حب!
فرح ببرود اومال اللي كان بينا ايه يا مروان
مروان اللي كان بينا كان مجرد تسلية وانتي عارفة كده كويس اوي انا مضحكتش عليكي انا كنت بضيع وقت معاكي وانتي كنتي بتضيعي وقت معايا مش اكتر وكمان انتي ازاى كده اصلا! انا مش منبه عليكي اني مبحبش كده
فرح ودا اللي ھموت وافهمه انت ليه مش طايق لمسة واحدة مني كإني جربانة او فيا حاجة لدرجة انك مبتسلمش حتى عليا
مروان ببرود اظن الاجابة موضحة نفسها
فرح پصدمة انت بتقرف مني يا مروان!
مروان ببرود تقدري تقولي كده يلا بقى يا حلوة اخرجي من هنا وصدقيني لو لقيت رجلك خطت المكان ده تاني انا هزعلك فاهمة
فرح ماشي يا مروان انا هخرج بس خليك فاكر اللي انت قولته
خرجت فرح بره ومروان قال بحيرة
اعمل ايه دلوقتي اكيد ميرنا فاتها قرفانة مني لانها مفكرة اني بلعب بيها
عند ادم
راجعوا المستندات مع بعض وهي قالت
في حاجة تانية مطلوبة مني!
ادم حاليا لا كل اللي انا طالبه منك ان لو حد اسمه رفعت رن عليكي حوليلي المكالمة على طول
سارة شكله حد مهم جدا
ادم فوق ما تتخيلي
سارة تمام عن اذنك
خرجت سارة بره وراحت على مكتبها وادم حط ايده على دقنه وهو بيفتكر وعده لابوه عشان يسيبه ماسك الشركة.
كنت مها قاعدة في اوضتها بملل وهي مكشرة بس سمعت خبط الباب فقالت بإستغراب
ادخل 
دخل مراد وقال البسي
مها بإستغراب البس ليه!
مراد ببرود عشان هخرجك ونخرج بره
قامت وقالت بفرح انت بتتكلم جد يا مراد
هز راسه بسرعة من كتر فرحتها اتجمد مراد في مكانه وهي اخدت بالها اخيرا فبعظت عنه بسرعة وقالت بتوتر
احم انا اسفة مكنتش اقصد
مراد ببرود عكس اللي جواه ولا يهمك انا هستناكي بره
خرج بره وهي دبدبت في الارض وقالت بغيظ
غبية وهفضل طول عمري غبية.
اول ما خرج مراد اتنهد بتوتر وقال
هو انا ليه فرحت اوي لما ! لا يا مراد اتقل كده واوعى تقع
اتقمص نظرة الغرور وقال مراد بيه عمره ما يقع ابدا حتى لو البت قمر وعايش معاها في نفس البيت ومراتي برضو عمري ما هقع
خرجت مها من الاوضة وهي لابسة وقالت برقة
انا خلصت
شاور مراد على وشها بعدم رضا فقالت بإستغراب
في ايه!
مراد ايه اللي انتي حطاه على وشك ده يا هانم!
مها حاطة ايه!
مراد بغيظ هو حد قالك انك خارجة مع سوسن عشان تحطي روچ احمر!
مها ببرود ملكش دعوة
مراد بعصبية لا ليا دعوة انا جوزك يا هانم
مها ببرود اه ابتدينا بقولك ايه يا مراد انت عارف يعني ايه جواز على ورق! يعني محدش ليه حقوق وواجبات عند التاني فالبتالي انت ملكش حق تمنعني من اني احط ميكب على وشي بيعني بالبلدي كده محدش ليه عند التاني حاجة امين!
مشت وسابته كانت هتفتح الباب بس هو اشتالها وقال
دا عندها مش عندي
صړخت مها وقالت نزلني يا مراد
مراد وهو رايح ناحية الحمام قولتك بالزوق بس انتي مسمعتيش الكلام قابلي بقى وكمان الكلام ده لو انتي مش في ذمة

---

راجل حتى لو جواز على ورق فانتي مراتي بالاسم واللي يمسك يمسني يا حلوة
مها بعصبية سيبني يا مراد
فتح مراد حنافية الماية وبل ايده وفضل يمسحلها الميكب تحت صړاخها مراد بضجر
هو الروچ دا مش راضي يتنيل يتشال ليه!
فضل يمسح فيه ومها قالت بعصبية
بالراحة يا بني ادم انت
سابها بعد ما مسح الميكب من على وشها وهي بصت لنفسها في المراية ولقت نفسها متبهدل وهدومها مبلولة بصلها بفخر وقال
بعد كده لما اقول حاحة تتسمع.
اتملت عيون مها بالدموع وخرجت من الحمام فمسكها مراد بسرعة وقال پصدمة 
انتي بټعيطي!
زقته وقالت پبكاء ابعد عني
مسح مراد دموعها وقال ما انتي اللي مسمعتيش الكلام
مها بعصبية واسمع الكلام ليه!
اتنهد مراد وقال مها انتي مراتي وحتى لو احنا مش معتبرين ان الجواز ده حقيقي وهنطلق فانتي لازم تسمعي كلامي طالما في مصلحتك لان الوصية اتنقلت من ابوكي ليا اول ما اتجوزتك فانا اللي مسؤل عن حمايتك فهمتي
مها والله! والميكب بقى لما اتمسح بقا في مصلحتي في ايه!
اتوتر مراد وقال هو كده انا عارف مصلحتك
بصتله مها بعصبية ودخلت اوضتها ورزعت الباب وهو قال بحيرة
انا ليه كنت بمۏت من الغيرة لما اتخيلت ان في رجالة ممكن يشوفوها بالمنظر ده!
خبط على باب اوضتها وقال يلا عشان نخرج
مها مش خارجة في حتة اخرج انت مع نفسك
مراد بغيظ يلا يا مها ومتعصبنيش
مردتش عليه ففتح الباب من غير ما يقولها كانت هتغير هدومها بس صړخت لما لقته دخل مراد بإنزعاج
ايه كل الصويت دا انتي محسساني انك قلعتي
مها بعصبية احترم نفسك يا مراد
مراد انا بره يلا بقى عشان نخرج في ام يومنا ده
مها بغيظ هو بالعافية!
ابتسم بسماجة وقال اه بالعافية ويلا بقى عشان لو عدت خمس دقايق ومخرجتيش انا هدخل الاوضة على طول
مها بغيظ طب والله ما انا مغيرة خليني اخرج بهدومي المبلولة دي
مراد بإستفزاز براحتك هو منظر مين اللي هيبقى عرة انا ولا انتي!
مها بعصبية ده انت مستفز
خرجت بره البيت وهو ضحك عليها وخرج ركبوا العربية وساق على المطعم وهي بټشتم فيه في سرها
عند ميرنا
خبطت على باب مكتبه ودخلت وقالت ببرود
الاجتماع بتاع الصفقة الالمانية بعد نص ساعة
مروان تمام جهزتي كل الاوراق!
ميرنا جهزتها وظبطت كل حاجة عن اذنك
كانت هتخرج بس هو وقفها وقال ميرنا
لفتله ببرود وقالت نعم يا مستر مروان
مروان ممكن تعدي عشان عايز اتكلم معاكي في حاجة!
ميرنا ببرود لو هتتكلم عن موضوع الصبح فملوش لازمة
اتنهد بتعب وقال اعدي عشان خاطري يا ميرنا
اعدت وقالت ببرود خير!
مروان انا كنت شاب طايش ومازلت طايش كنت بعرف بنات بعدد شعر راسي مكنتش بشيل اي مسؤلية كانت حياتي عبارة عن سهر وبنات وبس بس انا مش راضي عن حياتي دي وعايز اتغير
ميرنا ببرود طب ما تتغير ليه اللي مانعك!
مروان انا اتغيرت كتير يا ميرنا ولسة عايزة اتغير بس بمساعدتك
كانت هتتكلم بس هو قاطعها وقال اسمعيني للاخر لو سمحتي وبعدين اتكلمي
سكتت وهو قال انا طول عمري كنت وحيد مكنش في حياتي حد غير مراد وبس امي مټوفية وبابا كل اللي يهمه سفره وشغله وبس تقريبا عاش حياته في الغربة اكتر ما عاش معايا مليش حتى اى اخوات يملوا عليا حياتي كنت بملا وقتي بالبنات وبسبب كده ڠصب عني بعدت عن مراد وبقيت عديم المسؤلية لاني كنت بصرف من فلوس ابويا حتى بعد ما اتخرجت من الجامعة
لحد ما مراد جاب اخره مني ودخلني شراكة ڠصب عني في شركته الجديدة اللي هي دي وبقى يسحبني شوية بشوية من حياتي اللي ملهاش لازمة للشغل بالرغم من كده يا ميرنا بس انا عمري ما لعبت ببنت اي بنت كنت بمشي معاها كنت بقولها من البداية اني بتسلى وبضيع وقتي وهي كانت بتبقى متقبلة ده لاني مبكونش الراحل الوحيد اللي في حياتها
انا كنت بختار البنت اللي شبهي اللي حياتها كلها سهر ومع ده شوية ومع ده شوية
ميرنا انت بتقولي كل ده ليه يا مروان!
مروان عشان انتي البنت الوحيدة اللي اعجبت بيها يا ميرنا صدقيني المنظر اللي انتي شوفتيه في مكتبي ده انا مليش دخل بيه هي اللي مع اني

---

كنت حاطط حدود كتير ما بينا
ميرنا وهي جاتلك مكتبك ليه!
مروان انا اتفاجأت لما هي اجت انا قطعت علاقتي بيها من شهر ومعدتش في اى تواصل ما بينا بس معرفش ايه اللي فكرها بيا
ميرنا انت عايزة ايه يا مروان من الاخر كده!
مروان عايزك تديني فرصة يا ميرنا انا عارف انك خاېفة لاكون بتسلى بيكي بس والله انا مش قذر كده انا عايز اخطبك ونحاول نقرب من بعض يا ميرنا ونفهم تفكير بعض مش جايز تعجبي بيا انا كمان وتحبيني
ميرنا پصدمة تخطبني!!
مروان اه يا ميرنا عايز اخطبك انا عايز يبقى في مسمى لعلاقتنا لاني معنتش عايز اعمل اى حاجة تغضب ربنا قولتي ايه!
ميرنا بتوتر معرفش انت فاجئتني
مروان بإبتسامة انا هسيبك تاخدي وقتك وتفكري وبعدين تقوليلي انتي قررتي ايه وايا كان قرارك انا هحترمه ومش هيأثر في الشغل 
ميرنا تمام عن اذنك عشان استقبل الوفد الالماني لانه قرب يجي
مروان بإبتسامة تمام
عند مراد
كانوا قاعدين بياكلوا فقالت مها مراد انت حبيت قبل كده!
ساب الاكل اللي في ايده وقال بإستغراب اشمعنا السؤال ده
مها اصل عندي فضول بصراحة اعرف
مراد لا عمري ما حبيت
مها طب احكيلي عن كراش مراهقتك
مراد كراش
مها قصدي البنت اللي اعحبت فيها في مراهقتك
مراد عمري ما اعحبت بحد
مها پصدمة نعم!! ازاى ده!
مراد بإستغراب انتي مصډومة كده ليه!
مها اصل اغلبنا كان معجب بحد في فترة مراهقته ولما كبر عرف ان الاعجاب ده كان مجرد فترة وخلاص
مراد لا انا محصلش معايا الكلام ده
بصلها بتركيز وقال وانتي!
مها انا ايه!
مراد انتي قولتي ان معظمنا كان عنده مشاعر اعجاب لحد في فترة المراهقة انتي كنتي معجبة بحد ولا ايه!
مها ببلاهة يااه ده كان حوار
مراد حوار
مها بغباء اه انت مش غريب بقى فهحكيلك بص يا سيدي انا كنت معجبة بإبن الجيران 
مراد بغيظ اه وبعدين!
مها بضحك كنت كل يوم ببعتله جواب بس هو مكنش معبرني بصراحة
مراد پصدمة جواب
مها اه جوابات حب ايام المراهقة بقى
مراد وهو بيجز على سنانه كملي
مها المهم الولا دا مكنش طايقني وكل ما كان يشوفني كان بيمشي على طول وكإني جرابنة لحد ما وقع الفاس في الراس وحبني
مراد پصدمة حبك!
مها بتكشيرة بس عشان انا حظي نحس بعد ما اعترف بمشاعره ليا اهله عزلوا من جنبنا وطبعا هو عزل معاهم
ضغط مراد على ايده وهي ابتسمت ببلاهة وقالت
بس كان عندي حق اكراش عليه بصراحة الواد كان طول بعرض ومسمسم ولا شعره يا مراد يلاهويي
طبق مراد ازازة الماية البلاستك اللي كانت في ايده فبصت عليه بإستغراب بس بلعت ريقها پخوف لما لقته بيتنفس بعصبية وبيبصلها بحدة مها بتوتر
هو انا عكيت الدنيا ولا ايه!
مراد بعصبية انا من رأيي تسكتي خالص
هرشت مها في دماغها وقالت ببرطمة
ما انا برضو مكنش ينفع احكي كل حاجة بالتفصيل ايه الغباء بتاعي ده!
كمل مراد اكله وهو نفسه يقوم يجيبها من شعرها بس ماسك نفسه بالعافية موبايله رن فرد بإستغراب لما لقى دراعه اليمين بيتصل عليه
في حاجة ولا ايه!
فارس الاستاذ رفعت رد علينا يا فندم
مراد بلهفة بجد! وقال ايه!
فارس وافق على الصفقة اللي عرضناها عليه بس بشرط
مراد بإستغراب شرط ايه ده!
فارس ان في شركة هو عايزة تتعاون معانا ونعمل الصفقة اللي انت عرضتها علينا دي بس بمواصفات اكبر
مراد شركة ايه دي!
فارس معرفش يا فندم هو قالنا انه قرب يوصل القاهرة وعايزنا نروح هناك في شكرته الرئيسية
مراد نروحله امتي يعني!
فارس هو بيقول قدامه نص ساعة
مراد نص ساعة!!
فارس اه
مراد طب اقفل وخلي السكرتيرة تجهز كل حاجة
فارس تمام يا مراد بيه
مها بعبوس انا شامة ريحة ان الخروجة اضربت
مراد هعوضهالك تاني متزعليش
مها متاخدني معاك
مراد معايا فين!
مها الشركة
مراد هو انتي مفكراني رايح دريم بارك!
مها بغيظ يا مراد عشان خاطري انا نفسي احضر جو الصفقات والاجتماعات عشان اما اشتغل يبقى عندي فكرة
مراد بما اني مستعجل ومش فاضي للنقاش معاكي فانا موافق بس تعدي جنبي زي الالف اوي تعمل حاجة كده ولا كده
مها بفرح انا مش هتحرك من جنبك اصلا متقلقش
عند ادم
كانت قاعدة في المكتب فرن موبايل الشغل ردت وقالت
مع حضرتك السكرتيرة لمستر ادم مين معايا
انا رفعت
سارة انا هحولك

---

لمستر ادم يا فندم عشان هو كان مستني مكالمتك
رفعت تمام
حولت سارة المكالمة فقال مراد اخبارك ايه يا مستر رفعت!
رفعت انا فكرت في صفقك والحقيقة هي عحبتني اوي بس في شركة تانية هتتعاون معاك
ادم بإستغراب مين الشركة دي يا فندم!
رفعت انت هتعرف كل حاجة كمان شوية المهم تعالا دلوقتي في شركتي الرئيسة عشان تتعرف على شريكك وبالمرة نتفق على شوية حاجات
ادم تمام انا جاى على طول اهو
قفل ادم معاه وراح على مكتب سارة وقال تعالي معايا
سارة بإستغراب فين!
ادم هنروح لشركة استاذ رفعت ونشوف في دماغه ايه
سارة شكله كده قال معحبتكش
ادم لا مش كده هو قال حاجة انا مكنتش مخطط ليها وانا مبحبش المفاجأت في الشغل
سارة خير ان شاء الله
ادم يلا عشان منتأخرش عليه
نزلوا من الشركة وركبوا العربية فقالت سارة
مش هناخد حاجة معانا!
ادم اه قصدك على الاوراق والمستندات والاجراءات دي! لا احنا هنتفق على ش ية حاجات بس
سارة مش قصدي على كده قصدي يعني مش هناخد معانا طبق بسبوسة او اتنين كيلو موز
ادم پصدمة هو احنا رايحين نزور ابن اختك العيان! موز ايه وبسبوسة ايه يا سارة! 
سارة يعني ندخل شركة الراجل وايدينا فاضية!
ادم وهو بيجز على سنانه انا بقول تسكتي بدل ما اتغابى عليكي
سارة متقدرش اصلا
بصلها بحدة فبلعت ريقها. قالت انا بقول تبص قدامك بدل ما نعمل حاډثة وانا لسة صغيرة على المۏت
بص قدامه وهو بيشتمها في سره لحد ما وصلوا قدام الشركة طلعوا فوق وخبطوا على المكتب دخلوا ادم پصدمة
انت بتعمل ايه هنا!
مراد پصدمة انت اللي بتعمل ايه هنا!
رفعت انتوا تعرفوا بعض ولا ايه! دا كويس عشان انتوا الشركا اللي عايزكم مع بعض
ادم ومراد پصدمة وفي نفس الوقت نعم!! مستحيل.
رفعت بإستغراب في ايه!
مراد انا مستحيل اشتغل مع البني ادم ده
ادم ببرود من بين كل الناس ملقتش الا ده يا استاذ رفعت!
مراد وماله ده ان شاء الله
رفعت بس انتوا الاتنين في ايه!!
ادم معلش يا استاذ رفعت انا لايمكن اتعاون مع الكائن ده ابدا
مراد برضو بيغلط انت عارف لو مكنش استاذ رفعت موجود كنت عملت فيك ايه!
ادم ولا تقدر تعمل معايا حاجة
رفعت ممكن تسكتوا وتعدوا عشان اتكلم!
سكتوا رفعت بص للبنتين فقالت سارة بإبتسامة
اهلا يا مستر رفعت انا سارة اللي كلمت حضرتك من شوية
رفعت اهلا
مها وانا مرات مرات اهلا بحضرتك
رفعت اهلا بيكم كلكم
اعد رفعت في المقدمة وقال اعدوا
اعد ادم على يمينه وجنبه سارة ومراد اعد على شماله وجنبه مها رفعت 
الحقيقة انا عجبتني افكاركم انتوا الاتنين وبالصدفة فكرة مشروعكم طلعت زي بعض الاختلاف بس ان كل واحد منكم عنده افكار تانية عن التاني فانا حبيت اننا نتعاون احنا التلاتة عشان ننفذ المشروع بمعاير وافكار متعملتش قبل كده
مراد ايوه يا استاذ رفعت بس انت ملقتش الا ده!
رفع ادم حاجبه ورفعت قال وبعدين بقى يا مراد
كشړ مراد ورفعت قال انا معرفش انتوا الاتنين مش طايقين بعض كده ليه بس لازم انتوا الاتنين تتفقوا عشان عشان نحط ايدنا في ايد بعض
بص مراد وادم على بعض بقرف فقال رفعت
انا عايز كل واحد منكم يقول للتاني عن الافكار اللي قالهالي
محدش اتكلم فقال رفعت مين هيبدأ!
ادم ببرود فكرتي اننا نصمم مباني ومطاعم ومجمعات سكنية بأفكار مختلفة وبتركيبات الوان جديدة لسة محدش جربها قبل كده وبمواد جديدة غير السيراميك العادي فريقي اخترعها بس لسة تحت الاختبار
رفعت ممكن نبذة عن المواد الجديدة خصائصها ايه مثلا او مميزاتها
ادم بما اننا في عصر التكنولوچيا فأنا مفعل السيراميك المتطور اللي لسة مسمتهوش بريموت صغير بضغطة واحدة منه نقدر نغير شكله ولونه
رفعت بإنبهار واو 
ابتسم بثقة وقال لمراد وانت برضو قول فكرتك
مراد انا عايز اصمم مباني ومطاعم بس بلمسة فرعونية الفكرة هتبقى زي المج الحراري كده بالظبط لما تتحط فيها الماية السخنة بتظهر رسمة ولما السخونة بتروح بتظهر رسمة تانية فانا عشان كنت بحب التاريخ اوي فعايز اجسده في شغلي بحيث ان لما النهار يجي وحرارة الشمس تبقى شديدة على المبني تظهر عليه رسمة اشهر حضارة فرعونية ولما الليل يجي رسمة الحضارة الفرعونية تروح ويبقى بدالها الوان بسيطة بحيث انه

---

يبقى مودرن ويعاصر العصر اللي احنا فيه ده
كانت مها وسارة بيبصوا عليهم بذهول من افكارهم ابتسم رفعت وقال
عرفتوا ليه عايز اخليكم تتعانوا! عشان نطبق افكاركم انتوا الاتنين على ارض الواقع دي هتبقى قنبلة الموسم
قام وقال انا هسيبكم مهلة تفكروا في كلامي مع اني عارف الاجابة شرفتوني
خرج رفعت من المكتب وادم ومراد بيبادلوا بعض نظرات الحدة بص ادم على مها وقال بحزن
انتي منتيش ناوية تسامحيني بقى يا مها!
قام مراد وشد مها من على الكرسي وقال ببرود
اجل كلامك دا لمرة تانية عشان انا ومراتي مش فاضين
ضحكت سارة على تعلبير ادم المتغاظة ومها قالت
هبقى اكلمك يا سارة لما اروح
سارة بإبتسامة ماشي يا حبيبتي
خرج مراد من بره وهو حاطط ايده على وسط مها بتملك بص ادم اسارة وقال يلا
خرجوا بره وركبوا العربية وقالت هتعمل ايه!
ادم لسة معرفش
سارة بإعجاب ما شاء الله فكرتك جامدة
ابتسم بغرور بس كشړ وقال وفكرة مراد برضو جامدة اوي
ساق العربية وقال مش اجمد مني
ضحكت سارة فبصلها بحدة فبلعت ريقها وبصت الناحية التانية
عند مراد
كانت قاعدة جنبه في العربية فقال مراد
سرحانة في ايه!
مها الواد ادم ما شاء الله طلع ذكي اوي اومال انا مورثتش الذكاء ده ليه مش احنا مش نفس العيلة برضو
مراد بسخرية يعني معترفة انك غبية
مها بغيظ انا مقولتش اني غبية انا قولت اني مش ذكية زيه
مراد انا من رأيي تسكتي عشان افكر شوية
مها بسخرية اتخرسنا اهو يا اخويا
مراد اه صحيح انتي كنتي قولتلي انك عايزة تشتغلي
مها اه انا عايزة اشتغل بس مأجلة الموضوع ده لحد ما اطلق
مراد الله يكون في عون اللي هتشتغلي معاه
مها بغيظ لا بقى دا انت بتقول شكل للبيع 
مراد انا فعلا عايز اټخانق
مها ببرود اټخانق بعيد عني انا مش ناقصة قرف
مراد بغيظ لسانك ده هقصوهولك يا مها
مها ببرود بعدين نبقى نشوف الموضوع ده حاضر
عند ادم
وصلوا الشركة فقال
روحي الخزن وهاتيلي كل الصفقات اللي تمت السنة اللي فاتت
سارة تمام
راحت سارة المخزن وفتحت الباب ودخلت تدور على المستندات بس اټصدمت لما لقت الباب اتقفل مرة واحدة جرت بسرعة عشان تفتح الباب پخوف بس لقت الاوكرة معلقة فضلت تتنفس بسرعة وهي مړعوپة عشان عندها رهاب اجتماعي حست انها هتفقد وعيها فاعدت على الارض وهي بتقول بصوت مرتعش
مټخافيش اكيد حد هيفتح الباب ومش هيحصل حاجة اوعى يغمى عليكي
كان قاعد ادم في مكتبه فقال بضجر هي اتأخرت كده ليه!
قام من مكانه لما الوقت طال فقال بعصبية
ماشي يا سارة انا هخصملك يومين بسبب التأخير ده
راح مكتبها وملقهاش فقال اكيد فاتها في المخزن
نزل تحت بس استغرب اوي لما لقى الباب مقفول فقال
هي مجتش هنا ولا ايه!
فتح الباب عشان يجيب هو المستندات بس اټصدم لما لقاها فاقدة الوعي على الارض جرى عليها بسرعة وقال بفزع
سارة
اعد على الارض واعدها وفضلت يضرب على وشها بخفه عشان تفوق بس اټرعب اكتر لما لقاها تلج شالها بسرعة وجرى بيها على بره وركبها العربية وراح على المستشفى بسرعة
ادم پخوف دكتور بسرعة
الممرضة اتفضل ادخل هنا يا استاذ
دخل ادم الاوضة اللي قالتله عليها ولقى الدكتور قاعد جوه فقال پخوف
قولي مالها يا دكتور
الدكتور متخافش حطها على السرير وانا هكشف عليها
حطها ادم على السرير بسرعة والدكتور كشف عليها فقال وهو بيديها حقنة
هي عندها فوبيا من حاجة فاغمى عليها من كتر الخۏف انا اديتلها حقنة مهدئة وان شاء الله كمان ساعتين هتفوق
ادم شكرا يا دكتور
الدكتور بإبتسامة دا واجبي
اعد ادم جنبها وقال بإستغراب هي عندها فوبيا من ايه عشان يغمى عليها كده
اتنهد وقال قلبي كان هيقع من كتر الخۏف لما شفتك بالحالة دي.
فضل ادم مستنيها لحد ما فاقت فقال بلهفة
انتي كويسة!
سارة انا فين!
ادم انتي في المستشفى
سارة ليه! 
افتكرت سارة كل اللي حصل فنزلت من عيونها الدموع ادم
بټعيطي ليه!
سارة بدموع انا كنت ھموت
ابتسم ادم بخفة وقال واديكي مموتيش اهو فليه النكد!
سارة بتكشيرة انت بتفول عليا!
ادم بضحك لا انا عارف انك بسبع ارواح ولو فولت عليكي مش هيجرالك حاجة
سارة بغيظ اللي انا اعرفه ان الطبيعي تكون انت بتطمني دلوقتي مش تفرسني
ادم سارة

---

هو انتي عندك رهاب من الاماكن المغلقة!
سارة انت عرفت منين!
ادم اصل الدكتور قال انك عندك فوبيا من حاجة ودا اللي سبب ليكي الاغماء ولما روحت المخزن لقيته مقفول ولما فتحته لقيتك مرمية على الارض ومكنش في اي حاجة موجودة تخوف
سارة بحزن للاسف اه عندي فوبيا من الاماكن المغلقة
ادم هو ايه اللي حصل اصلا!
سارة معرفش انا لما دخلت المخزن عشان ادور على الاوراق لقيت الباب اتقفل مرة واحدة ولما جيت افتحه لقيت الاوكرة معلقة
ادم تلاقي حد وهو معدي قفل الباب وميعرفش ان في حد جوه
سارة يمكن عمونا شكرا ليك يا استاذ ادم
ادم متشكرنيش انا عملت اللي المفروض يتعمل
قامت من على السرير وقالت يلا
ادم بإستغراب يلا فين!
سارة هنروح الشغل
ادم برفض لا خليكي اجازة انهاردة
سارة لا يا مستر ادم انا بقيت كويسة دلوقتي
ادم سارة انا مبحبش اكرر كلامي يلا عشان اوصلك البيت
سارة احم انت مش هتخصملي حاجة صح!
ضحك ادم وقال لا انا مش للدرجة دي
نزلوا تحت وركبوا وساق للعنوان بيتها
عند مراد
مراد بعصبية وهو بيتكلم في الموبايل وانتي مقولتليش ليه يا اسماء من الاول! يعني ايه الفرح يعني يتقدم مرة واحدة كده! انتي مش عارفة انا محتاجلك الفترة دي قد اي!
اسماء انا اسفة والله يا مستر مراد بس انا مكنتش عارفة ان ده هيحصل
مراد بحدة اقفلي يا سارة احسن اقفلي
مها بفضول هو انت متعصب كده ليه ومين ساردة دي!
مراد بعصبية وانتي مالك انتي!
مها انا اسفة اعتبر اني مسألتش
كانت هتدخل الاوضة بس هو قال بعد ما اتنهد
استني
لفتله وقالت ببرود نعم
مراد انا مقصدش اني ازعق فيكي بس اتا متعصب دلوقتي
مها بس ده مش مبرر انك تزعق فيا
مراد هحاول اقلل عصبيتي خلاص بقى
مها بغيظ كل ده عشان متقولش كلمة اسف!
مراد ببرود ده اللي عندي
مها متبطل ام برود بقى
مراد لما انتي تبطلي استفزاز هبطل برود
مها انا بقولش ادخل اوضتي تاني
مراد بتنهيدة اسماء دي السكرتيرة بتاعتي وانا اتعصبت عشان هي كانت قايلالي انها هتسيب الشغل قبل فرحها بإسبوع فانا كنت عامل عامل حسابي اني ابدأ ادور على سكرتيرة كمان شهرين بس فوجئت ان فرحها اتقدم وبقى كمان اسبوعين وهي من كتر لبختها هتسيب الشغل دلوقتي عشان تلحق تكمل باقي اللي ناقصها
مها بس ده ميستدعيش كل العصبية دي
مراد لا يستدعي لان انا هيبقى عندي ضغط شغل جامد لما نبدأ في الصفقة مع رفعت فمش عارف اعمل ايه
مها انت وافقت على اقتراح استاذ رفعت!
مراد مستحيل افرط في مشروع احلامي عشان البني ادم ابن عمك ده
مها على فكرة هو ليه اسم
رفع مراد حاجبه وقال انتي مالك اتحمقتي اوي كده ليه!
مها ولا اتحمقت ولا حاجة بس هو ابن عمي وصاحبي ومبحبش حد يتكلم عنه بالطريقة دي
عض مراد على شفايفة بعصبية وقال
ادخلي اوضتك يا مها عشان متغاباش عليكي
بلعت ريقها پخوف وقالت انت هتتحول ولا ايه!
مردش عليها فقالت برقة بقولك ايه يا استاذ مرمر انا عندي فكرة حلوة
رفع حاحبه وقال بإستنكار استاذ ومرمر وفكرة حلوة! وانتي من امتى بتفكري اصلا!
اخدت نفس طويل عشان متتعصبش عليه وقالت بإبتسامة غيظ
ممكن تسكت عشان اقول فكرتي!
مراد بسخرية اديني سكت اهو قولي فكرتك يا ام العريف
مها ما تاخدني سكرتيرة عندك الكام شهر دول منها متدورش على سكرتيرة ومنها اعتبرها فترة تدريب ليا
مراد برفض لا طبعا
مها لا ليه!
مراد مش كفاية بصطبح على خلقتك هنا هيبقى هنا وهناك ولا ايه
مها بغيظ اسم الله على خلقتك يا اخويا
مراد ببرود فكرتك مرفوضة من قبل حتى ما افكر فيها
شدته من هدومه وقالت بغيظ
بقولك ايه متخلنيش اتغابى عليك
شدها من وسطها ليه وقال بخبث
انا عايز اشوف هتتغابي عليا ازاى!
حاولت مها تزقه بتوتر بس هو مسكها اكتر وقال بخبث
رجعتي في رأيك ولا ايه!
مها بتوتر ابعد يا مراد
مراد بخبث مش كنتي من شوية سبع رجالة في بعض ال
يه اللي حصل!
زادت دقات قلبها وكانت هتعيط من كتر الاحراج فسابها وهو بيضحك عليها بصتله بعصبية ودخلت اوضتها ورزعت الباب في وشه.
خرجت ميرنا من الاجتماع وهي بتدلك رقبتها بصت لمروان بغيظ وقالت
الراجل ده رغاي اوي
ضحك مروان وقال عندك حق بصراحة ده مبيفصلش
بصت ميرنا

---

في ساعة ايدها وقالت
ميعاد شغلي خلص
مروان تعالي اما اوصلك
ميرنا لا مفيش داعي
مروان ببرود قدامي يلا
كشرت ميرنا وقالت لو تبطل عند شوية
ضحك عليها ونزلوا تحت ركبوا العربية ومروان قال
انتي عايشة فين قبل ما تيجي هنا
ميرنا الامارات
مروان انا فكرتك عايشة في دولة اجنبية
ميرنا لا انا كنت روحت اليابان زيارة بسيطة مع بابا ودي كانت الدولة الاجنبية الوحيدة اللي روحتها بس معظم وقتي كان في الامارات عشان انا بابا امراتي وماما مصرية
مروان بذهول اول مرة اعرف ان باباكي اماراتي
ميرنا بضحك اديك عرفت اهو
وقفوا قدام باب بيتها فقال خدي بالك من نفسك
ميرنا بضحك انت محسسني اني راحة احارب انا طالعة بيتي
مروان بغيظ لو تبطلي ردودك اللي بتفصل الواحد دي
ضحكت وقالت عايز حاجة
مروان لا حاولي تيجي الشغل بكره بدري
ميرنا حاضر
كانت هتنزل من العربية بس هو قال ميرنا
بصتله بإستغراب وقالت نعم!
مروان متنسيش تفكري في اللي قولتهولك عليه
ميرنا بإحراج حاضر
نزلت من العربية وقفلت الباب وطلعت على بيتها اتنهد مروان بحب وساق العربية وراح على بيته
عند ادم
وقف بالعربية قدام بيتها فقالت عايز حاجة يا مستر ادم قبل ما انزل!
ادم خليكي شوية عشان عايز اتكلم معاكي
سارة بإستغراب تتكلم معايا في ايه!
ادم بتوتر متحكيلي عنك شوية
سارة بعدم فهم احكيلك عني ازاى يعني مش فاهمة قصدك
ادم بغيظ السؤال موضح نفسه مش محتاجة غباء يا سارة قصدي يعني مرتبطة بتتنيلي بتحبي
سارة وانت مال حضرتك
ادم وهو بيجز على سنانه لازمته ايه حضرتك بقى!
سارة بإرتباك انا مقصدش بس هو مال حضرتك قصدي ايه اللي يهمك يعني!
ادم بغيظ انزلي يا سارة احسنلك
سارة بغيظ انا كنت نازلة على فكرة
نزلت من العربية ورزعت الباب وهو قال بغيظ لا بجد انا مرة اشوف واحدة بغباءها كده
طلعت سارة على بيتها وقالت بغيظ
وانا عملت ايه يعني عشان ينزلني من العربية مش هو اللي قالي خليكي! بني ادم غريب
عماد انتي بتكلمي نفسك يا هبلة!
صړخت بخضة وقالت في ايه يا بابا مش تقول انك هنا خضتني
عماد بغيظ ده بدل ما تيجي وتقوليلي وحشتني يا بابا! انا غلطان اني جيت من السفر ومقولتلكيش عشان اعملهالك مفاجأة
ضحكت عليه وراحت وقالت وحشتني اوي يا بابا
بعدها عن وقال كدابة
ضحكت عليه وقالت متبقاش قماص بقى
عماد سارة
سارة نعم يا بوب!
عماد انا معرفتش اربي
سارة بضحك حصل
شدها من ودنها وقال بغيظ طب انكري وحسسيني اني غلطان وعرفت اربيكي
سارة يعني اكدب!
عماد انا خلاص معنتش هسافر وهربيكي من اول وجديد يا بنت الكلب
سارة بفرح بجد يا بابا معنتش هتسافر وهتخليك معايا!
عماد بإبتسامة اه انا خلاص هنقل شغلي من هناك لهنا وهستقر خلاص انا يا بنتي كبرت وعايش اكنل باقي حياتي في بلدي ومعاكي
جامد وهي بتقول يا احلى قرار اخدته في حياتك يا بابا انا بجد مبسوطة اوي
عماد يا بت ابعدي شوية هتخنق
سارة بقى كده يا بابا! ماشي
ضحك عليها وقال متزعليش يا هبلة انا بهزر معاكي
سارة بإبتسامة عارفة يا بابا
عند مراد 
كانت مها بتحضر العشا وهي متجاهلة مراد سمعوا جرس الباب فقال مراد بإستغراب
مين اللي هيجيلنا في الوقت ده
فتح مراد الباب واټصدم لما لقى مامته وباباه زقته سزوي وقال
اوعى عشان اطمن على مرات ابني وابنها اللي في بطنها
مراد ومها پصدمة اييه!!
يتبع