زواج ب الاجبار ولكن الفصل الخامس

رواية زواج بالاجبار ولكن 
الفصل الخامس 
بقلم ايه الموافي
سارة پخوف في اييه!
مها انتي عارفة ان انا مبكلموش بسبب اني اخذلت فيه.
سارة عارفة بس انا خاېفة اقدم في شركته واترفض ولو اترفضت انا هيأس اوى لاني نفسي اشتغل فيها من زمان
ميرنا انا قولتلك كام مرة تثقي نفسك! انتي مبتسمعيش الكلام ليه!
مها كلام ميرنا صح انتي لازم تثقي في نفسك اكتر من كده وكمان يا حبيبتي لو بعد الشړ اترفضي اعرفي ان ربنا عاينلك الاحسن لبعدين.
سارة تفتكروا
ميرنا اه طبعا
مها على فكرة يا سارة احتمال كبير اوى ان ادم هو اللي ياخد مكان الاتش آر لما يجي حد يتوظف جديد لان شخصية ادم شخصية جادة اوى الشغل وبيحب بيعرف تفكير الموظف اللي هيشغله في شركته وواثق من نفسه ولا لا ولو هو شك بس بنسبة واحد في المية انك مش واثقة من نفسك هيرفضك على طول حتى لو انا كلمته عليكي.

ميرنا للدرجة دى انتي عارفاه!!
مها بحزن انا وادم كنا اصحاب اوي وكنا اكتر من الاخوات بس هو خذلني اوى لما فضل شغله على حساب تعاستي انا لحد دلوقتي مش قادرة اصدق ان هو موقفش جنبي ووافق اني اتجوزه بالرغم ان هو عارف اننا لايمكن ابدا نحب بعض بس علشان يستلم الادارة وافق
سارة انتي ليه متأكدة اوى كده انكم مستحيل تحبوا بعض انتوا مش اول ولا اخر اتنين مبيملكوش مشاعر لبعض يتجوزوا في ناس كتير اوى اتجوزت بالاجبار والجوازة نجحت وحبوا بعض وفي ناس فشلوا فليه مفكرتيش ان ممكن جوازكم ينجح وتعيشوا حياة سعيدة!
مها في فرق ما بين اتنين مبيحبوش بعض ويتجوزا بالاجبار وفي فرق ما بين اتنين مبيشوفوش بعض غير اخوات وبس ادم صديق طفولتي واخويا وابن عمي شاركنا تقريبا كل حاجة مع بعض همومنا واحزانا شاركناها وفرحتنا شاركنها واحلامنا شاركناها دا حتى مخاوفنا شاركناها مع بعض مستحيل نكون ازواج ابدا وهو عارف كده كويس
تخيلي كدا يا سارة فاروق ابن عمك اللي بېموت فيكي ونفسه يرضالك الرضا ترضي بس انتي معتبراه اخوكي تتجوزيه بالاجبار هل هتقدري تتحملي حاجة زي كده وتقبلي بالواقع وتحبيه!
سارة لا طبعا
مها شوفتي ازاى انتي مقدرتيش تتخيلي كده
ميرنا والله يا سارة الواد فاروق ده صعبان عليا ده بيحبك حب بس انتي اللي حمارة
سارة بحزن هو كمان صعبان عليا اوي لان محدش حبني زى ما هو بيحبني كده بس اعمل ايه انا اتربيت على انه اخويا من صغري واتبرمجت على كده ومش هقدر ابدا اني اغير فكرتي عنه
سمعوا صوت خبط على الباب فقالت مها اتفضل
دخلت واحدة وقالت انا الميكب آرتست اللي هجظ حضراتكم علشان الفرح
مها تعالي اتفضلي
دخلت جوه ومها قالت اسمك ايه!
انا بيري
مها طب بصي يا بيري انا عايزة ميكب

---

هادى وفي نفس الوقت مثير
بيري بإبتسامة فهمت طلبك حاضر
ميرنا بسخرية واضح انك متجوزة اجباري
مها يعني انتي عايزاني اعيط يعني بصراحة انا لما فكرت لقيت ان ممكن الفرح دا ميتعمليش تاني لان انا قررت اني مش هتجوز تاني بعد ما اطلق فليه مفرحش واعمل كل حاجة انا عايزة اعملها
سارة انتي قررتي كده انك تطلقي من نفسك
مها بملل ما اكيد يعني يا سارة احنا هنطلق انتي نسيتي ان جوازنا بسبب الڤضيحة اللي حصلتلنا من غير ما نقصد
ميرنا بس متسبقيش الاحداث مش يمكن يحصل حاجة وتحبوا بعض
مها پصدمة حب ومع الكائن المغرور دا!! لا مستحيل.
ميرنا بضحك طب قومي استحمي بقى علشان تجهزى وانا هطلب فستان اونلاين انا وسارة علشان معملناش حسابنا
مها مش قبل ما نفطر
ميرنا بضحك طول عمرك هامك على بطنك
مها طبعا يا بنتي
مها بإبتسامة لبيري تعالي افطري معانا ومتكسفنيش
بيري بضحك وهو حد يقول للفطار لا
مها بضحك شوفتوا اللي بتفهم مش انتوا
سارة صبرنا يارب
نزلوا تحت علشان يفطروا
عند مراد
مراد بتعب كده خلاص خلصنا كل حاجة
مروان انت غريب اوى يا مراد
مراد غريب ليه!
مروان بقى انهاردة فرحك وتتعب كل التعب ده
مراد يا عم اتنيل بقى 
مروان اتنيل
مراد بقولك ايه يا مروان انا فيا اللي مكفيني
مروان خلاص يا عم هتنيل روق انت بس
بص مراد في ساعته وقال بسخرية لسة خمس ساعات على فرحي انت متخيل.
مروان اكيد البت ميرنا هتبقى موجودة
بصله مراد بحدة فقال مروان هو انا كل مهقول كلمة تبرقلي!!
مراد يلا يا مروان علشان انا على اخري
مروان يلا فين
مراد احنا ورانا شغل كتير ولا انت نسيت
مروان شغل ايه يا عم بقولك ايه يا مراد سيبني في حالي بقى دا حتى في يوم فرحك يا اخي مش راضي تديني اجازة
مراد ما انا هعد اسبوعين بحالهم علشان مينفعش اشتغل وانا لسة عريس جديد بسبب الصحافة
مروان بفرح هرتاح اسبوعين بحالهم
مراد لا يا حبيبي دا عندها انا هرتاح اسبوعين انما انت هتشتغل
مروان بشرشحة نعم يا اخويا!! مليش دعوة زى ما انت هتاخد اجازة انا كمان هاخد اجازة
مراد بحدة ولما انا اخد اجازة وانت تاخد اجازة مين هيدير الشركة!
مروان مليش دعوه والله دا ظلم
مراد لما تبقى تتجوز ان شاء الله هبقى اديك اجازة حاضر
مروان والله وانا بقى هفضل مستني لحد ما اتجوز علشان اخد اجازة افرض بقى عنست يبقى هكون مخدتش اجازة ابدا
مراد لا متخافش مش هتعنس
مروان ربع برودك بالله وانا حياتي هتبقى احسن
مراد سيبك مني دلوقتي المهم نفذت اللي قولتلك عليه!
مروان دا فاته دلوقتي بيعيط علشان حرقناله مركز الصحافة بتاعه
مراد يستاهل علشان يبقى ينشر خبر زي دا
مروان ده انت محدش يلعب معاك ابدا
بليل
لفت مها بالفستان الابيض بتاعها وقالت
انا مكنتش متخيلة اني هبقى بالحلاوة دى يوم فرحي
ميرنا ما شاء

---

الله يا مها طالعة زى القمر
مها عارفة
سارة عندما يتحدث الغرور
ضحكت مها وسوزى دخلت وقالت بإنبهار انا اول مرة شوفتك فيها قولت ان حظ ابني حلو قوى علشان وقعه في واحدة زى القمر زيك
مها ده انتي اللي قمر وربنا
سوزى بصحك طب يلا يا بكاشة عشان مراد تحت
كشرت مها وسارة قالت
احنا هنركب مع مين!
ميرنا پصدمة ازاي مفكرناش في حاجة زى دى كان فات طلبنا اوبر
سوزى متقلقوش في مكان مع مروان
كشرت ميرنا وسارة ومها ضحكوا عليها نزلوا تحت ومراد قال بنفاذ صبر
بيعملوا ايه كل ده!
مروان بضحك هدى نفسك يا عريس
نزلت مها ووراها سارة وميرنا وسوزى اول ما شاف مراد مها اتصنم في مكانها وهو شايفها لابسة الفستان المنفوش اللي مخليها زى الفراشة مكنش متخيل ابدا انها ممكن تبقى بالحلاوى دي وهي مبتسمة تقريبا اول مرة يشوفها بتبتسم بعفوية من غير تصنع
بص مروان بتركيز على ميرنا وقال ببلاهة
عليا الطلاق بالتلاتة وتكة
ميرنا پصدمة اييه
اتحمحم وقال شكلك حلو على فكرة بالفستان الطويل
ميرنا ببرود ما انا عارفة
بصلها بقرف وهي مشت من قدامه فقال
مسيرك تقعي يا جميل
مها بتوتر من نظرات مراد ليها احنا مش هنمشي ولا ايه!
خرج من شروده وقال بتوتر
اه هاتي ايدك
ادتله ايدها بإحراج وهو مسك وسحبها على بره مسك محمود ايد سوزى وباسها قال
كل يوم بتحلوي عن اللي قبله.
سوزي بحب وانت كمان يا محمود
محمود بقولك ايه متيجي نقرطس العيال دى ونروح رحلة للجبل
سوزى بضحك نروح الفرح الاول وبعدين نبقى نشوف الموضوع ده
خرجوا بره فركب محمود قدام وجنبه سوزى وورا مراد قاعد وجنبه المتوترة بسبب نظرات مراد ليها ساق محمود العربية ومها قالت
ماما وبابا جاين على هناك صح!
محمود اه يا حبيبتي متقلقيش انا بعتلهم عربية زى ما وعدتهم
ضحكت سوزي بخبث لما لقت مراد مثبت نظره على مها فقالت
في حاجة يا حبيبي!
مراد بتوتر ها لا مفيش
كان كل شوية مروان يبص على ميرنا في المراية فقالت بزهق
على فكرة الطريق مش على وشي.
اتفاجأ مروان لانه كان مفكر انها هتتحرج زى باقي البنات ضحكت سارة على صډمته فبصتلها ميرنا بغيظ صلوا القاعة اخير ودخلوا جوه مع تصوير الصحافة ليهم اتكلمت مها وقالت لمراد
بقى انهم بيقولوا ان انهاردة فرحي فانا هعمل شوية حركات كده فاوعى تفكر اني بقى فرحانة وھموت عليك والجو القديم ده ماشي
مراد حركات ايه!
ابتسمت بحماس وقالت كده
راحت وسط البنات وفضلت ترقص معاهم فقال مراد
صبرني يا رب
مروان ايه يا معلم انت مش هترقص ولا ايه!
مراد نعم!! بقى انا مراد على سن ورمح ارقص
بعد خمس دقايق
مروان ايوه يا مراد هزها
مراد وهو بيرقص هي ايه دى يا حيوان اللي اهزها
مروان بضحك رجلك هز رجلك
كانت سارة هتعد عشان تعبت من الرقص بس

---

اتخبطت في ادم ادم ببرود
خدى بالك بعد كده.
بصتله پصدمة وهو قال بغيظ استني مش انتي اللي كنتي مع مها عشان تصوروني
بلعت ريقها وقالت بتوتر مين لا مش انا
ادم بغيظ لا والله
ضحكت بإرتباك وقالت صاحبتي بتنادى عليا بعد اذنك
بص مروان على ميرنا اللي بتبصلهم بإبتسامة وقال
تيجي نرقص جنبهم!
ميرنا ببرود لا
مروان انا مبستأذنش انا بقولك بس
مسك مروان ايدها وشدها وراه وهي عشان الناس كانت بتبص عليهم اتحرجت تبعده قربها مروان منه اوي فقالت بحدة
انت هتستعبط!!
اتحمحم بإحراج وبعدها عنه شوية وهي قالت
بقى بتدبسني يا زفت انت! تعرف لو مكنتش الناس بتبص علينا انا كنت قلعت اللي في رجلي ونزلته عليك
مروان ببرود متقدريش
ميرنا تحب اوريك!
مروان ما تحطي لسانك جوه بوقك بقى واستمتعي باللحظة.
ميرنا استمتع وانت موجود!!
مردش عليها وبص في عيونها وهي اتخرجت وودت وشخا الناحية التانية مروان بضحك
لا مش معقول هو انتي بتتكسفي زي البنات الطبيعية.
ميرنا بغيظ هو حد قالك اني راجل وانا مش واخدة بالي!
مروان بغمزة لا هو من ناحية ست فانتي ست الحلوين كلهم يا طعم انت يا جميل
ميرنا طب اتلم علشان مفرجش عليك الناس
بعدت مها نظرها عن مراد اخيرا بإحراج وهو قال بهدوء
هي الفقرة دي هتخلص امتى!
مها الاغنية خلاص بتخلص اهي
خلصت الاغنية وكانوا رايحين يعدوا بس اتفاجأوا لما لقوا ناني بتقرب منهم مها لمراد
البت دى لو فكرت تعمل حاجة انا هشمت فيها الناس كلها.
وقفت قدامهم وهي ماسكة كوباية عصير وقالت ببرود
كده برضو متعزمنيش يا مرمر
ضحكت مها على كلمة مرمر فبصلها مراد بحدة وقال
انا مش قولتلك معنتيش تقوليلي مرمر دي تاني!
ناني سوري مخدتش بالي
كانت ناني هتوقع كوباية العصير على الفستان بس مها اخدت بالها ومسكت ايدها ووقعتها على فستانها ناني پصدمة وصړاخ
فستاااني
طلعت تجري على الحمام ومها ضحت عليها مراد
منتيش سهلة ابدا
مها عارفة
خلص الفرح اخيرا ومراد اخدها على شقتهم الجديدة اول ما دخلوا الشقة قال مراد ببرود من غير ما يبصلها
هما ست شهور وهطلقك مفهوم
لما مسمعش رد بص عليها بس ملقهاش مراد
هي راحت فين!
سمعت صوت في المطبخ بس اټصدم لما لقاها بتخرج اكل من التلاجة مراد پصدمة
انتي بتعملي ايه!
مها وهي بتحط الاكل في بوقها
جعانة ايه ماكولش!
مراد بسخرية لا كلي يختي
مها انت كمان مكلتش حاجة تاكل
بص على الاكل بجوع بس قال بغرور
لا انا مش جعان
اعد قدامها وقال جوازنا دا هيكون على الورق بس لحد ما اطلقك انتي فاهمة
مها وهي بتاكل ماشي
مراد بإستنكار ماشي
مها انت مش هتسيبني اطفخ اللقمة بقى مقولنا ماشي
مراد بقرف لا لا احنا مينفعش نختلط ببعض ابدا طول الست شهور تفضلي في اوضتك طول ما انا موجود
مها بشرشحة نعم!! ودا ليه ان شاء الله ماسك

---

عليا زلة ولا اشتريتني انت اللي طول ما انا بره اوضتي تفضل في اوضك
رفع حاجبه وقال بحدة نعم يا اختي!!
مها ببرود والله دا اللي عندي مش هحبس نفسي انا لو مش عايز تشوفني خليك في اوضتك او متجيش البيت من اساسه
قامت من قدامه ومشت وهو قال بغيظ طب بسبب الكلمتين دول انا هخليها تقول حقي برقبتي لحد ما تطفش هي.
بص على الاكل بجوع وفضل ياكل بسرعة قبل ما تيجي وتشوفه مها بضحك
كل بالراحة عشان شوفتك خلاص
بلع الاكل بإحراج وقال بزهق
انتي ايه اللي جابك!
مها جاية عشان اعرف اوضتي فين!
مراد ببرود اوضتك في اخر الطرقة على اليمين
مها بعد كده لما تجوع متخبيش وكل انا مش هكلك يعني
مراد بتوتر ومين قالك اني خبيت انا جوعت فجأة ايه مبتحصلش!
سابته ومشت وهو كمل اكله وهو بيشتم فيها بغيظ
تاني يوم الصبح
كانت نايمة في اوضتها فجأة صړخت لما اتكب عليها ماية ساقعة مراد پشماتة
اصحي يا عروسة.
مها بعصبية انت ازاى تكب عليا ماية وانا نايمة وازاى اصلا تدخل اوضتي من غير ما تستأذن
مراد يعني لو كبيت عليكي ماية وانتي صاحية عادي! والله يا حلوة دا بيتي وادخل المكان اللي انا عايزة من غير ما استأذن
مها بقى كده
مراد بسماجة اه هو كده قومي يا اختي عشان قرايبك جايين يباركولك
مها خليك فاكر عشان متزغلش من رد فعلي
مراد ولا تقدري تعملي حاجة
مها هنشوف يا مراد انا اقدر ولا لا
دخلت الحمام وهو خرج وبيقول ولسة
اجوا اهلهم ففتح مراد الباب وقال اتفضلوا ادخلوا
جز مراد على سنانه لما لقى ادم جاى معاهم انت ايه اللي جابك هنا!
ادم بسماجة جاى لبنت عمي وانت مالك
بصله مراد بغيظ ومها خرجت من المطبخ يا اهلا وسهلا وحشتوني جدا
كشرت لما لقت ادم ومعتز قال وحشتيني اوي يا بنتي
حضنته مها وقالت سامحتني يا بابا
معتز اه يا حبيبتي سامحتك انا عارف ان ملكيش ذنب
وفاء هما اللي بيتجوزا بيحلوا كده على طول
مها بضحك قصدك انا كنت وحشة
وفاء معاش ولا كان اللي يقول عليكي كده يا حبيبتي ده انتي ست البنات كلهم
مراد بسخرية وصوت واطي القرد في عين امه غزال 
ادم ازيك يا مها
مردتش عليه وقالت بإبتسامة اتفضلوا اعدوا
اعدوا كلهم ومراد حط ايده على كتفها وهو بيبص لادم بتحدى بصله ادم بسخرية ومعتز قال
خلي بالك من بنتي يا مراد
مراد متقلقش يا عمي دى في عيوني
مها بسخرية كداب كدب الابل
ادم مها انا عايز اتكلم معاكي معاكي شوية
مراد وانت شايفني سوسن قدامك ولا مؤاخذة
معتز سيبه يا مراد ده زي اخوها وعايز يتكلم معاها شوية
مراد بعصبية زي اخوها ازاى وهما كانوا هيتجوزا!!
معتز انت فاهم غلط يا ابني
مها بسخرية ولما هو زي اخويا كنت مصر تجوزني ليه ليه!
يتبع