زواج ب الاجبار ولكن

رواية زواج بالاجبار ولكن 
الفصل الاول 
بقلم ايه الموافي 
كانت لابسة طاقية وحاطة شنب رجالي بصت بخبث للبنت اللي لابسة لبس مايع وقالت
فهمتي هتعملي ايه!
البنت وهي بتاخد الفلوس منها وبتاكل اللبانة بطريقة مايعة
فهمت يا ابلتي.
مشت البنت من قدامها وسارة صاحبتها بصتلها وقالت
انتي متأكدة من اللي انتي بتعمليه دا!
مها وهي بتعدل الباروكة
اه متأكدة ويستاهل اللي هيجراله.
بقى انا اروح استنجد بيه واقوله يعمل اى حاجة علشان يوقف الجوازة يقوم البيه قايلي انه مش مهتم بالموضوع والمفروض نتجوز زي ما عيلتنا عايزة وخلاص!! 

لا واللي يفرس في الموضوع ان البيه منفض دماغه لدرجة انه راح حفلة صاحبه واحنا جوازنا الاجباري المفروض بعد بكرة.
بصتلها سارة بغيظ وقالت
تقومي ڤاضحاه والواد يعيني برئ.
مها بتشفي
يستاهل واخرسي بقى علشان اوثق اللحظة الجميلة دي.
طلعت مها موبايلها وهي شايفة سوزي البنت اللي اجرتها بتقرب منه كان ادم بيلعب في موبايله بزهق بس قربت سوزي من ادم وقالت وهي بتغمز
ايه الطعامة دي يا ولاد مصلحة ولا مروح يا قمر.
ضحكت سوزي برقة وقالت وهي بتحط ايدها على كتفه
انت مالك متخشب كدا ليه ما تفك يواد.
بعد ادم عنها وقال بتوتر
ابعدي عني يا ست انتي.
علشان تبقى تقولي ان الموضوع مش فارقلك البس بقى يا معلم .
زق ادم سوزى بسرعة وقال بعصبية
ابعدي عني يا ولية انتي.
ولية مين يدلعاادي انت اعمى ومبتشوفش ولا ايه يالا!
اتنططت مها في مكانها وقالت وهي بتسقف
الله هتحصل شكلة يارب تجيبه من شعره يارب.
ضحكت سارة عليها ورجعت خطوة لورا بس خبطت في واحد من غير ما تقصد وقع العصير اللي كان في ايد الراجل فقال بزعيق
مش تفتحي يا عامية.
اتحرجت سارة اوي وكانت لسة هتعتذر منه بس مها قالت بعصبية وهي بترفع حاجبها
ما تهدى شوية يا شبح.
بصلها الراجل پصدمة وقال
ازاى انت ولد وصوتك بنت!!!
بلعت مها ريقها وقالت
احيه.
اتعصبت مها اوي ومقدرتش تمسك نفسها فقالت بزعيق
وانت مالك امك انا متنكرة ولا لا!
مها! انتي بتعملي ايه هنا وايه اللي عملاه في نفسك دا!
بصتله مها بإرتباك وقالت بصوت واطي
لقد وقعنا في الفخ.
لطمت سارة على وشها لما حست انهم انكشفوا وكان لسة ادم هيتكلم بس الرجل مسك ادم من قفاه وقال بعصبية
ومين قالك اني تبعها انا معرفهاش.
ابتسمت مها بخبث وقالت
هو ايه دا اللي متعرفهاش.
بصت مها على الراجل وقالت
دا جوزي حضرتك وهو هيقطعك علشان ضايقتني.
لطم ادم على وشه وقال بړعب
هتوديني في داهية الله يخربيتك صدقني انا مش جوزها دي بتضحك عليك انا معرفهاش.
قربت سارة من مها وقالت پخوف
انتي بتعملي ايه دا الراجل هيفرمه.
الراجل بعصبية انجز انت وهي انتوا تعرفوا بعض ولا لا.
مها بسرعة دا ابن عمي وقريب