شمس الصعيد نور الشمس الفصل ١٦

شمس الصعيد
الحلقة السادسة عشر 
في فيلا شمس 
كانت تجري خلف زين و حاتم وهي تحمل عصاية بعد تركها للشبشب عندما حدفته واصاب حاتم في ظهرة وفى لحظة كان حاتم على الارض و فوقه زين اثر سقوطه في خرطوم المياة فتوجهت شمس إلى مكانهم ووقفت تضحك بشدة والبنات يضحكو عليهم والحرس يكتمون ضحكتهم بصعوبة
شمس بضحك يالا يا عيال قومو ولمو اللي وقع منكم 
حاتم پألم قوم من عليا يا زفت 
زين بت يا شمس انتي اذاي تضربينا كده واحنا اكبر منك 
شمس ببرود مش انا اللي ضربتكم يبقي براحتي وانتم مالكم 

حاتم پألم والله ما انا سايبك 
شمس وهي تجلس واحد منكم يعمل كيكة الشوكولاته و التاني يعمل غدا يالا 
زين نعم يا ختي كيكة و غدا ليه والبيت فيه ٣ ستات احنا رجالة نقعد ونحط رجل على رجل وانتم تخدمونا 
ملك بغيظ لا يا روحي الحياة مساعدة 
نرمين ايوة صح زوزو اعملي الكيك اللي كله شوكولاته 
حاتم بحنان و عشق بتحبيها يا قلبي 
نرمين بابتسامة ايوه بحبها اوي 
حاتم بغمزة عيوني غزالي
سحب حاتم نرمين وتوجهو إلى المطبخ لعمل الكيك و سحب زين ملك لعمل الغدا
شافت شمس صفا فشاورت ليها حتى تاتي لهم وبالفعل جت
شمس بابتسامة صوفي وحشتيني 
صفا وانتى كمان بس انتى بتتكلمي معايا عادي
شمس بابتسامة انا مش بخلط بين الاشخاص انتى اختي و صحبتي ملكيش دعوة بحوار الشغل اللي بينا اتفقنا كمان انا ذي مقولت لعمو صالح و طنط مي انا رفعت أيدي من على الشركة بس اخوكي و خطيبك لا 
صفا بفرحة بجد شمس يعني خلاص كده بصي اعملي اي حاجة انتى عوزاها فى الشباب بس بابي لا 
شمس بابتسامة عروستنا الحلوة اخبارها ايه
صفا اسكتي يا شوشو مهدودة ولسه ناقص الفستان ومش لاقيه حاجه عدله والكويس هياخد وقت لغاية ميوصل من برا
شمس بابتسامة ايه رايك تسيبي الفستان عليا انا وانا هجبلك فستان يبهرك انا اللي جبت لملك و نرمين فساتين الفرح 
صفا بس هيبقي غالي
شمس بابتسامة اعتبريه هدية منى ليكي بعد يومين اجمل و احلي فستان زفاف هيبقي عندك 
صفا بفرحة شكرا شوشو هما فين اخواتك
شمس بابتسامة في المطبخ بيجهزو الاكل
جاء هاري وقال لشمس حاجة في ودنها فضغطت بشدة على اديها وغادر
صفا بهدوء شمس انتى كويسة 
شمس بنفس سريع اه يا صوفي كويسة بس فى مشكلة في الصعيد ولازم احلها 
صفا اهدي وانتى هتعرفي توصلي للصح 
شمس بابتسامة متقلقيش يا قلبي هعمل الصح المهم ناقص حاجة تاني غير الفستان 
صفا البيوتي سنتر حبيت اتفق معاهم لقيت المعاد بعد الفرح بشهر شفتي الفرحة اللي انا فيها 
شمس بتعجب شهر مش المفروض انه نفس البيوتي بتاعك
صفا لااااااااا ده واحد تاني بس أكبر انا الكوافير بتاعي بقي وحش والبيوتي ده حاجة كده جامدة 
شمس بستغراب اسمه ايه
صفا J . SH 
شمس بابتسامة ملكيش دعوة الحجز حالا هيكون ليكي ميعاد حاجة تانية 
صفا بذهول بجد يا شمس 
شمس بابتسامة بجد يا قلب شمس
اتصلت شمس على ياسمين وحجزت لصفا في البيوتي الخاص بهم على موعد الفرح واغلقت
شمس خلاص يا موزة الكوافير اتحجز و الفستان هيوصل بعد يومين اشطا اي خدمة تاني عروستنا تأمر واحنا ننفذ
صفا بذهول انتى حجزتي في البيوتي سنتر J . SH
شمس اه والبنات هتوصل بعد ساعتين علشان الماسكات 
ملك ماسكات ايه
شمس تعالي لوكا ديه صفا و ديه ملك مرات زين
ملك

---

اهلا صوفي بس ماسكات ايه 
شمس بابتسامة تيجي نروح عند البت ياسمين 
نرمين بفرحة اه تعالي 
صفا اكيد انتى نرمين وانا صفا 
شمس يالا روحو اجهزو وبعد ساعة نروح السنتر وخلي طنط مي تجهز
البنات اشطا
غادرت البنات إلى غرفهم حتي يجهزو حالهم
اتصلت شمس على رجالة الصعيد واخبرتهم بالمطلوب واغلقت وصعدت الى غرفتها
في فيلا المنياوي 
مراد قصي شمس المنشاوي رفعت اديها عن الشركة 
قصي اذاي حصل ده 
صالح اسمعو انتم الاتنين ابعدو عن شمس المنشاوي واي عقاپ هتتقبلوه باحترام ياما ورحمه امي وابويا لوريكم من هو صالح المنياوي الظاهر بمرضي نسيتم نفسكم مفهوم 
مراد حاضر بس اهدي
مي مالك يا روحي 
صفا الفستان هيوصل بعد يومين و سنتر J .SH فى انتظارنا بعد ساعة 
مي بذهول اذاي بس المعاد اللي هما حددوه بعد الفرح بشهر 
صفا بفرحة لا مامي شوشو حجزت لينا كلنا وانتى معانا بعد ساعة فبسرعة اطلعي اجهزي 
قصي پغضب وانتى اذاي بتكلمي البت ديه تاني انتى عارفة هى عملت ايه 
صفا وانا مليش دعوة شغلك وبعدين انت غلطت فيها وهي قالتلي اني برا الموضوع وكل واحد يشيل شلته بقي مامي اجهزي انا طالعة ابدل هدومي
صعدت صفا الي غرفتها وخلفها مي ونظر صالح لقصي پغضب وتوجه إلى الجنينة
مراد بهدوء لاخر مرة يا قصي تعلي صوتك على صفا سواء احنا موجودين أو لا مفهوم 
قصي بصوت عالي ديه اختي وانا حر فيها
مراد بعصبية وهي خطبتي و حبيبتي ومش هسمح ليك انك تاذيها مفهوم وكفاية غرور بقي
نزلت صفا و مي وتوجه مراد لهم 
في فيلا SH . Z . H 
جهزت البنات ونزلو واخبرو الشباب الذين ابتسمو لهم بحب و عشق وغادرو واخذو صفا و امها وتوجهو إلى السنتر
في سنتر J . SH 
وصلت السيارات إلى السنتر ونزلو ودخلو وكان المكان فاضي وكان في استقبالهم بنات
ياسمين بابتسامة شمسي اخبارك
شمس بابتسامة اخبارك ياسو هااا جهزتي كل حاجة 
ياسمين السنتر كله تحت امرك يا برنسيسة 
شمس ديه صفا العروسة و ديه مامتها 
ياسمين بابتسامة أهلا وسهلا بيكم يالا نبدأ
شاورت ياسمين إلى البنات فتوجهو إليهم واخذو الجميع
عاش البنات اجمل يوم وسط الضحك و الهزار و الماسكات و جلسات المساج المتنوعة
صفا بفرحة انا فرحانة أوي بجد شكرا شوشو 
شمس بابتسامة مفيش شكر بينا المهم كده مبسوطة 
صفا بسعادة ايوه 
ياسمين بابتسامة عروستنا الحلوة فاضل قد ايه على الفرح 
صفا بفرحة لسه بعد اسبوع 
ياسمين خلاص طول الاسبوع احنا مع بعض تمام 
صفا تمام 
شمس يالا بنات نروح زمان الشباب زهقو
غادرو البنات بعد ان دفعت مي حسابها و حساب صفا بعد خناقة مع شمس
عادت البنات وانقضي الليل
جهزت شمس نفسها وتوجهت إلى الصعيد
طلبت شمس من صديق العائلة الموجود في الخارج ارسال مجموعة من صور الفساتين الزفاف حتي تختار فستان لصفا
عاد العمل فى شركة المنياوي بعد أن اصدرت شمس المنشاوي القرار
في الصعيد 
وصلت شمس الي الصعيد وكان في استقبالها رجالها وتوجهت إلى القصر
وهدان بابتسامة حمدلله على السلامة يا قلبي 
شمس الصغيرة بابتسامة الله يسلمك حبيبي 
شمس الكبيرة بابتسامة يا قلب ستك انتي 
حامد شمسي الجميلة 
شمس الصغيرة بابتسامة حبيبي يا حمودي 
شمس الكبيرة يالا يا قلبي اطلعي بدلي هدومك ونزلت يكون الفطار جاهز 
شمس الصغيرة لا شموسةعوزة قهوة وبس علشان خارجة حالا يالا سلام موقت
صعدت شمس إلى الأعلي وقامت بأخذ دش وخرجت وقفت امام الدولاب تختار

---

احدي العبايات واخذتها باللون الكشمير ووضعت طرحة على شعرها الذي تركته حر ونزلت
شمس الكبيرة القهوة يا قلبي 
شمس الصغيرة شكرا يا شموسة
حملت شمس الفنجان و شربته على طول وخرجت وجدت الحرس في انتظارها فركبت وتوجهت إلى الجهة الشرقية ونزلت
وجدت شمس بيت قديم خبطت ودخلت واخفت وشها نهائي بالطرحة ودخل معاها واحد من الحرس
الراجل أهلا وسهلا يا ست الناس
شمس اهلا بيك يااااا صحيح اسمك ايه 
الراجل خدامك محروس يا ست الناس امريني 
شمس بمسكنة الراجل الظالم جوزي عاوز يتجوز عليا 
محروس ده راجل حمار بقي يسيب ست ذي القمر كيفك ويشوف حريم تانية 
شمس بدموع مزيفة كل ده علشان لسه مخلفتش ايه يعني لما اتأخر الحمل شوية مش ذنبي صح
محروس بلاش البكا يا ست الناس وعد مني هخليكي تحملي 
شمس بجد يا شيخ وكمان عوزاك تفركش الجوازة وتخليه يشفها قرد مسلسل ويبقي تحت طوعي وانا اوعدك هخليك اغني راجل في الناحية كلها 
محروس ربنا يخليكي لينا يا ست الناس دلوقتي تخلي الراجل ده يخرج برا علشان ابتدي شغلي 
شمس بترقية ليه عفاريتك مش بتظهر على رجالة 
محروس لا يا ست الناس بس ده شغلي 
شمس وماله اخرج برا 
الحارس امرك يا فندم
خرج الحارس وقام محروس بإحضار كوب من المياة
محروس اتفضلي يا ست الناس 
شمس ايه ده 
محروس ديه ماية عوزك تشربيها علشان ابتدي اشتغل 
شمس فيها ايه الماية ديه
محروس ولا حاجة بس لازم تشربيها هروح اجيب البخور
غادر محروس وقامت شمس برمي الماية ورفعت الكوباية فاضية
رجع محروس وبتسم بخبث وعندما وجدت شمس دايخة
شمس بدوخة الماية ديه فيها ايه يا ولد المحروق 
محروس بخبث مش عاوزة تحملي انا هخليكي تحملي 
شمس بدوخة اذاي
محروس پشهوة علاقة ذي اللي جوزك بيعملها معاكي
توجه محروس إلى شمس وجاء لينزع الطرحة وجدت شمس تنظر له بعيون شريرة فرتعب منها ورجع لورا
وقفت شمس أمامه بقوة وعظمة وجبروت وقامت بضړبة بشدة
استمرت شمس في الضړب فاسرع الحرس بالدخول وامسكها هاري وبعدها عنه
هاري اهدي برنسيسة اهدي
شمس پغضب جبااااااااال
جبل اوامرك يا كبيرة 
شمس پغضب جهزت القپر
جبل بشړ جاهز يا كبيرة والرجالة هناك مستنين الجته 
شمس هاتوه
نزلت شمس من السيارة ونزل الحرس ومعهم محروس ورموه تحت رجليها
امرت شمس الرجالة بعدم مغادرة المكان لفترة حتى تتأكد بعد مساعده احد له وعادت إلى القصر
في القصر
دخلت شمس إلى القصر وجلست بجوار جدها 
وهدان بابتسامة قلبي يا صغنن
شمس الصغيرة بابتسامة حبيبي يا وهودي
شمس الكبيرة حبتك عقربة سيبي جوزي يا بت 
شمس الصغيرة ببرود ملكيش دعوة يا شموسة 
شمس الكبيرة قومي يا بنت وحش يشيلك 
شمس الصغيرة بدلع عجبك كده وهودي طلقها وخلينا نستريح منها 
منصور بضحك وووووووه بقي على اخر الزمن وهدان المنشاوي هيطلق شمس المنشاوي بعد العشرة ديه كلها 
حامد بحنان تعالي يا قلب ابوكي اتوحشتك
حامد بحب كنتى فين لما عرفت من الرجال انك هنا جيت بسرعة بس مكنتيش هنا 
حامد عمل ايه يا قلبي 
شمس الصغيرة خاض فى أعراض حريم البلد استغل حاجتهم وكسرتهم 
وهدان پغضب مين ابن الكلب ده
شمس الصغيرة بهدوء زمانه بيتحاسب متقلقش المهم مش عوزين تاكلوني ولا ايه
شمس الكبيرة بفخر حالا يا قلب ستك الاكل هيجهز 
شمس الصغيرة قولي حميدو فين صفية اختك مخفية فى اي داهية 
حامد بضحك يخربيت فقرك يا شمس

---

راحت تجيب شوية حاجات 
شمس الصغيرة يالا المركب اللي تودي داهية مترجعها
اڼفجر الكل على كلام شمس الصغيرة
امرت شمس الصغيرة الرجالة بنعقاد المجلس حتي تحضر الجلسة
مر الوقت وعادت شمس الي القاهرة
بعد مرور يومين 
كانت شمس أحضرت فستان الزفاف لصفا وتوجهت إلى الفيلا
دخلت شمس إلى الفيلا وجلست ووضعت بجوارها الفستان وبعد قليل نزلت صفا تجري
صفا شوشو 
شمس بابتسامة تعالي يا صوفي 
مي اذيك شمس
شمس بابتسامة الحمد لله طنط 
صالح بابتسامة شمس اذيك وانا بقول البيت نور ليه اتاري الشمس موجودة 
شمس بابتسامة البيت منور باهله وناسه 
مي تشربي ايه حبيبتي 
شمس ولا حاجة شكرا المهم جناب العرورة تتفضل الفستان ويارب يعجبك
فتحت شمس جراب الفستان واخرجته
شهق الجميع من فخامة وجمال الفستان و عظمتة
شمس بابتسامة يا رب يكون عجبك 
صفا بصړاخ عاااااااااااااااااااااااااا
نزل قصي و مراد بسرعة وجدو صفا تصرخ وتقفذ في مكانها
قصي في ايه 
مراد پتصرخي ليه 
صفا بدموع اصل الفستان حلو اوي وعجبني
مي بابتسامة تسلم ايدك يا شمس بجد الفستان روعة 
صفا بفرحة و دموع شكرا شكرا شكرا شكرا شكرا شكرا شكرا شمس 
شمس بابتسامة المهم انه عجبك مبروك عليكي 
مراد فعلا الفستان روعة 
قصي وتمن الفستان ده كام
شمس ببرود ملكيش دعوة 
و بابتسامة جميلة مبروك يا قلبي بعد اذنكم هرجع البيت
غادرت شمس ولكن اسرع قصي خلفها وامسك اديها
شمس أيدي 
قصي معلش مكنتش أقصد 
شمس خير عاوز ايه 
قصي هو انتى ناوية على ايه 
شمس بابتسامة ناوية على كل خير بلاش تقلق انت
قصي انتي جايبة قوتك ديه منين
شمس بثقة ديه ثقة مع قوة 
قصي بردو اذاي وانتى من الصعيد 
شمس بثقة وحياتك الصعيد الجواني كمان بس اهلي و انا كنت قدها خلتهم يرفعو راسهم بيا 
قصي هو انا لو اعتذرت لزين و حاتم و طبعا البرنسيسة شمس الاول تقبل ترفع ڠضبها عني
شمس بضحكة رنانة بصي زين و حاتم تمام بس انا توتوتوتوتوتو 
قصي بابتسامة واهون عليكي
شمس برفع حاجب اظبط كده علشان مزعلكش 
قصي بابتسامة حاضر يا برنسيسة ممكن تقبلي عزومة على الغدا 
شمس بتفكير اممممممممم افكر يالا سلام 
قصي شمس 
شمس امممممم 
قصي اسف شمس انا فعلا غلطت بس غروري ركبني 
شمس تمام قصي لازم قرصه ودن علشان تعرف انت بتتعامل مع مين 
قصي بابتسامة تحت امرك يا برنسيسة بس بلاش عقاپ كبير ممكن 
شمس برفع حاجب كبير اتعلم من اهل الخبرة سلام قصي
غادرت شمس وتوجهت الى الفيلا وصعدت الى جناحها
في جناح شمس 
ارتمت شمس على السرير ورتسمت على شفايفها ابتسامة جميلة
شمس مالك يا شمس ليه فرحانة كده اوعي يا شمس قلبك يتحرك هيبقي صعب لو اهلك رفضو هتخسي كتير 
قلبها بس مين الله يقدر يقف قدام شمس الصعيد 
العقل وانت هتقدر تعارض كلام جدي وهدان وابوكي
قلبها انت ليه محسسني اني خلاص حبيته ودايبه في هوا 
العقل مش هنضحك على بعض اوعي تفتكري اني مش عارف انك كنتى بترقبية ذيه بالظبط
القلب بس انا مش براقب حد 
العقل يا راجل بقي جبروت الصعيد هتقع 
القلب انت فرحان فيا
العقل مبسوط مش فرحان فيكي سلمي قلبك
شمس پحده بس اخرسو بقي اروح الشركة أفيد
توجهت شمس إلى غرفة الملابس و اختارت فستان اسود و جذمة بكعب باللون الاسود
نزلت شمس الي الأسفل ونظرت للشباب وغادرت المكان
مر اسبوع وقررت شمس تجاهل قصي حتي لا تحرك قلبها
واخيرا جاء زفاف صفا و مراد في أكبر قاعات كان اكبر رجل الاعمال متواجدون في

---

الزفاف وبعد فترة دخل زين المنشاوي ومعه زوجته ملك الشاذلي وكانت ترتدي فستان باللون الاحمر فى الاسود
اما حاتم فدخل وفى يده نرمين المنشاوي وهي ترتدي فستان باللون الاحمر
وبعد فترة دخلت شمس المنشاوي وبجوارها هاري وتسون وكانت ترتدي فستان باللون الأزرق عاري احدي الأكتاف
ابتدي الجميع في التهامس لدخول شمس المنشاوي و عائلتها
حاول بعض رجال الأعمال عقد صفقات مع شمس ولكن كان هاري يبعد اي شخص عنها
توجه قصي إلى شمس وطلب منها الرقص ولكن فؤجي بزين يمسك اديها وتوجه بيها الي نصف القاعة ورقص معها
مر الوقت ونتهي الفرح وغادر الجميع الي منازلهم
بعد مرور اسبوع 
حاتم پخوف نرمين نرمين ردي عليا مالك
اسرع حاتم إلى جناح زين وخبط بشدة ففتح زين بسرعة
حاتم پخوف الحقني بسرعة نرمين مغمي عليها
دخل زين يجري وخلفه ملك و حاتم وجدو نرمين تنام على السرير لا حوله لها ولا قوة
نزلت شمس بسرعة عندما سمعت صوت حاتم ودخلت وجدت الكل يحاولون افاقتها
شمس پغضب حد يتصل على الدكتور يا اغبيه
اسرع حاتم بالاتصال على هاري وطلب منه احضار دكتور
بعد قليل جاء الدكتور
الدكتور من فضلكم اتفضلو برا
شمس انا هفضل
حاتم پخوف انا مش هخرج 
زين انا هفضل
ملك بقولك ايه اخلص البنت بقالها كتير مغمي عليها 
الدكتور حاضر
كشف الدكتور على نرمين وبتسم واعطي ليها حقنة
الدكتور بابتسامة مبدئيا كده اقول ليكم مبروك المدام حامل بس لازم تروح لدكتور نسا علشان نتأكد مبروك
شمس بفرحة الله يبارك فيك يا دكتور بس ممكن اسم دكتور نسا 
الدكتور بابتسامة اكيد بعد اذنك رقم تليفونك وبعتلك العنوان على الواتس
شمس تمام ٠١٠٠٠٠٠٠٠٠٠٠
الدكتور بابتسامة تمام بعد اذنكم
غادر الدكتور مع هاري وترك الجميع سعيد
ذهبت نرمين مع حاتم الي الدكتور واكد خبر حملها مما اسعد الجميع
كشفت ملك هى الاخري وكتشفت حملها هي الاخري مما اسعد زين والعائلة
امر وهدان المنشاوي و صفوان الشاذلي بمجي الشباب للصعيد للاحتفال
رفضت شمس الذهاب للصعيد لكثرة الشغل
بعد مرور يومين 
كانت شمس تجلس في الجنينة وفي لحظة واحدة كانت اصوات ضړب الڼار في محيط الفيلا فاسرع الحرس بتجهيز اسلحتهم وتم تبادل اسرعت شمس برفع سلاحھا ووقفت بجوار الحرس
عند قصي استمع الى ضړب الڼار فأسرع للخارج وجد ضړب الڼار من فيلا شمس فامر الحرس بسرعة التوجة إلى الفيلا ودخلو من باب الجنينة المشترك ووقف بجوار شمس
نظرت شمس وجدت حرس قصي يدخلون ويقفون بجوار رجالها وقصي يقف بجوارها فبتسمت له
دارت معركة طاحنة بين الطرفين
يتبع
الي لقاء جديد في الحلقة القادمة
من وراء المعركة 
من سوف يكسب