وحيدته الفصل الأخير بقلم_نيرة_وائل

وحيدته
الخاتمة
كنت فاكرة ان كل حاجه خلصت على كدا لحد ما محمد اضرب  صړخت و انا ايدي بتحاول تمسكه لكن مقدرتش و وقع مني 
بصيت على خالد اللي كاان لسه رافع... للحظة حسيت اني مش عارفه اتحرك و رجليا مش شايلاني مش قادرة استوعب اللي حصل لكن بعدها جريت على محمد اللي واقع في الارض مسكت فيه وانا پصرخ 
 
_ محمد... محمد مش هيحصلك حاجه متخافش يا عمري متخافش
رفع ايديه و لمس وشي و هو بيبتسم بصعوبة
_ انا... انا باخد جزائي 
و اخيرا هرتاح
هزيت راسي بنفي هستيري
_ لا... لا لا لا متقولش كدا لا

صړخت و انا ببص لخالد 
_ اطلب الاسعاااااف... ھيموت ياخالد اطلب الاسعاف
_ نورا... نورا سامحيني عارف اني اذيتك بس سامحيني
قالها محمد بصعوبة و دموعة بتنزل
رديت بلهفه
_مسمحاك يحبيبي... مسمحاك والله 
هتبقى كويس متخافش.... مش هيحصلك حاجة
ابتسم و عيونه بدأت تقفل 
_ لا لا لا..... محمد... محمد متغمضش 
افتح عيونك متغمضش.... اطلب الاسعاف يا خالد
كنت بقول كلامي وانا پصرخ و بخبط على وش محمد عشان افوقه 
لكن استسلم وغمض بسهوله.. سابني.... سابني للمرة التانيه
وانا پصرخ و بحاول افوقه لكن لا حياة لمن تنادي
_ محمد لا... محمد فتح عنيك متسبنيش يا محمد 
رد عليا فتح عنيك... محمد رد عليا... لا يا محمد لا
لااااا... عشان خاطري قوم... قوم يحبيبي يلا يا محمد
كنت پصرخ و مش مصدقة اللي بيحصل 
حاسه اني في كابوس عمري ما اتخيلت اللي انا فيه داا 
بصيت على خالد اللي كان لسه واقف مكانه جريت عليه و انا بعيط
_ انت عملت ايه.... عملت ايه.... قت. لته...قت لت محمد 
كنت بقول كلامي و انا بضړب فيه لكنه مكانش بيقاوم و لا بيتحرك اصلا وقعت في الارض و انا پصرخ
المرة دي كان الۏجع استثنائي... المرة دي غير بجد
سمعت صوت عربيات البوليس و الاسعاف
وقفت بس حسيت ان الدنيا بتلف بياا و مقدرتش اتحرك جسمي بدأ يتقل و عنيا بتقفل لوحدها و قعت على الارض و اخر حاجه شوفتها 
كان رجالة الشرطة و الاسعاف اللي دخلو البيت بعدها استسلمت للضلمة
نيرة وائل 
بعد مرور 3 اعوام 
_ و اخيرا يا نورا اقدر اقولك انك مبقتيش محتاجة تيجي هنا تاني
ابتسمت و انا بقوم من على الشازلونج 
_ شكرا ان حضرتك ساعدتيني اتخطى كل دا
_ اشكري نفسك هي اللي قدرت تتخطى ... نفسك اولى بالشكر
_ نفسي تعبتني اوي الفترة اللي فاتت بس الحمدلله
_ طيب ناوية على ايه دلوقتي بقا
اتنهدت و انا بلبس شنطتي 
_ هعمل حاجه نفسي اعملها من فترة كبيرة اوي
خرجت من عند الدكتورة و انا ببص على العيادة للمرة الاخيرة
عيادة الامړاض النفسية كنت بتعالج طول الفترة دي عشان اقدر اكمل 
و اقوم من جديد و اخيرا اتعافيت منكرش ان كل اللي حصل لسه

---

سايب علامة جوايا لكني قدرت اتخطى... العلاج النفسي مش عيب
و لا انا مچنونة و بتعالج.. العلاج النفسي زي اي علاج عادي و العيادة 
دي زي اي عيادة ممكن تروحها لما تكون تعبان... مش كل التعب جسدي التعب النفسي اخطر بكتير و خطوة العلاج دي كانت افضل خطوة انا اخدتها
ركبت عربيتي و بدأت اسوق نسيت اقولكم ما انا طورت من نفسي و اتعلمت السواقة... اتوظفت محامية في شركة و مارست هوايتي و عملت معرض بلوحاتي... حياتي اتغيرت 180 درجة و انا فخورة بالتغير اللي حصل و فخورة بنفسي اللي قدرت تتخطى كل دا
بعد وقت كنت قدام بيت عمي دخلت و انا بتأمل كل ركن في البيت 
وبفتكر كل ذكرياتي الحلوة و المرة اللي كانت فيه 
ممتنة لكل ذكرى و للوقت اللي قضيته هنا مش ندمانة ولا حزينة على حاجه 
و لو رجع بيا الزمن مكنتش هغير فيه اي حاجه لأن كل اللي حصل زمان كان سبب في اللي انا عليه دلوقتي 
اخدت نفس عميق و طلعت لاوضة محمد... الخطوة دي نفسي اعملها بقالي كتير بس مكنتش قادره اخدها و مكنتش قادره اني اشوفه في الحالة دي 
خبطت على باب الاوضه و دخلت و انا ببتسم و في ايدي بوكيه ورد چوري ابيض من اللي محمد بيحبه اول ما شافني ضحك 
كان باين انه متفاجئ بوجودي
_ ن... نورا
ابتسمت وانا بقرب على سريره و بحط الورد جمبه على الكومود 
_ ازيك يا محمد
اول ما سألته عن حاله بكى... مكنش المفروض اسأله لأن كل حاجه باينة قدامي... رصاصة خالد قټلته بالحيا 
عموده الفقرى اتأذى و مبقاش قادر يتحرك من السرير
_ اسفة اني مجتش طول الفترة اللي فاتت بس...
_ مش مهم المهم انك اخيرا جيتي
_ سمعت ان في علاج في كندا بس انت رافض تروح
_ انا مرتاح كدا..
_ بس...
_ رهف سامحتني
كان بيقولها وهو بيضحك ابتسمت ليه بتعجب
_ جاتلي و انا نايم و قالتلى انها سامحتني خلاص... انتي و رهف سامحتوني مبقتش عايز حاجه تانية انا كدا ارتحت
قضيت معاه اليوم و حاولت اقنعه يسافر يتعالج لكنه شايف ان دا عقابه عن اللي عمله و مش عايز يغيره... جنة اخدت ورثها وسافرت هي و سامية و بكدا هو خسر كل حاجه حاولت اساعده و اقف جمبه لكنه مرضاش و بعدني عنه للمرة التانيه... كان شايف انه مش هيقدر يعوضني و هيكون عبئ عليا في حالته دي حاولت كتير لكنه رفض محاولاتي نفذت رغبته و بعدت و دي كانت اول مرة اشوفه من وقتها 
مع الوقت ادركت اني غلطت لما بنيت احلامي كلها على شخص 
لما خليت محمد محور الكون بالنسالي تعلقي بيه بشكل مفرط 
أذاني محمد مكنش حب طبيعي.... محمد كان هوسي اللي قدرت اتخلص منه و قدرت اعرف

---

معنى الحب بجد لما اتعافيت منه
وصلت البيت بعد يوم طويل انا دلوقتي استقريت مع ماما و اخواتي وبقى عندي عيلة بتحبني بجد.... عيلة ممتنة جدا لوجودهم في حياتي طلعت اوضتي و اترميت على السرير بتعب لكن مكانش جايلي نوم اخدت الواني و لوحة و طلعت البلكونة و بدأت ارسم 
كانت اللوحة عبارة عن عصفور بيتحرر من قفصه 
العصفور دا كان بيمثلني بعد ما اتحررت من همومي 
بصيت على بلكونة خالد و اتنهدت و انا بفكتره
خالد اخد حبس 3 سنين 
محمد اتنازل عن القضية وقال ان طلعت بالغلط بس برضو اخد حكم لأن مكنش مترخص
فلاش باك
_ قالولي انك طلبت تشوفني
_ انا عارف انك عايزة اجابة للي حصل
_ اللي بينك وبين محمد عرفته سؤالي الوحيد هو ليه حاولت تقتلني... عايزة افهم عملتلك ايه عشان تأذيني كدا
_ الوقت اللي رهف اڼتحرت فيه انا كنت مسافر و لما رجعت مفيش حد كان راضي يقولي عن السبب.... فضلت كتير ادور لكن موصلتش لحاجة و حالتي النفسية ساءت عملت مشاكل كتير هنا 
بابا كان عايزني ارجع انجلترا تاني و قالي اني بقيت مريض نفسي ولازم اتعالج وقتها مكنتش عارف اعمل ايه... هربت من كل حاجه ورجعت انجلترا تاني بس كنت بدور برضو ورا اللي حصل لأختي لحد ما عرفت انها كانت بتحب دكتور زميلها وخاڼها مع بنت عمه عشان كدا اڼتحرت
_ وبعدين ايه اللي حصل
_ بعدها نزلت مصر... اول مرة قابلتك في اسكندريه كنت نازل عشان ادور على محمد مكنتش اعرف انتي مين ... بس لما شوفتكم بعدها مع بعض افتكرت ان بينكم حاجه وكمان عرفت انك بنت عمه 
كان كل هدفي انتقم منك انتي ومحمد ... يوم ما دخلتلك الاوضه بليل كنت مقرر اني اقټلك و اخد حق رهف 
واخلى محمد يخسرك زي ما انا خسړت اختي بس مقدرتش...وقتها ادركت اني بحبك عشان كدا بعدت عن البيت فترة و كنت بتجنبك لحد ما عرفت قصتك من والدتك وعرفت انك ضحېة زي رهف و ان محمد بيحب جنة.... بعدها حاولت اجيب حقك و حق رهف 
وكانت اول خطوة عملتها لما بوظت الخطوبه
_ يعني انت اللي بعت الصور بتاعة جنة
هز راسه بإيجاب و اتنهد بضيق
_ وبعدين
_ والدتك اكتشفت اللي حصلك من تسجيلات كاميرات المراقبة و واجهتني قلتلها تديني فرصة و اني مش هأذيكي تاني... كنت فاكر انها صدقتني بس دا محصلش و قالت لبابا على اللي حصل و الباقي كله انتي عارفاه
فركت ايدي بتوتر 
_ وقت الزيارة انتهى... انا لازم امشي
قولت كلامي و وقفت عشان امشي لكنه مسك ايدي
_ نورا انا بحبك 
قطع كلامه امين الشرطة و هو جاي ياخده عشان وقت الزيارة انتهى
_ ابقى تعالي تاني... هستناكي
هزيت راسي و انا ببتسمله ومشيت
باااااااااااااك
فوقت من الذكرى دي على

---

صوته
_ الرسمة دي حلوة اوى
اتنهدت وانا بضحك
_ وكمان صوته في وداني و كل شويه اتخيله... كدا كتير
_ امممم... يعني بتتخيلني كتير انا كنت فاكرك نستيني من قلة زياراتك
لفيت لمصدر الصوت و صړخت اول ما شوفته واقف في البلكونة بتاعته
_ ايه الاستقبال دا پتصرخي في وشي بدل ما تزرغطي اني طلعت
_ ا... انت هنا بجد... انت طلعت امتى
_ ما انتي لو مهتمة كنتي عرفتي لوحدك
قالها وهو بيربع ايده وبيبص الناحية التانية 
ضحكت على شكله و هو مقموص كدا
_ علفكره بقت قديمة دي في ميمز طلعت اجدد
_ اعذري جهلي بقا بقالي 3 سنين مش متابع
_ متقلقش هذاكرلك اللي فاتك
نط البلكونة عندي كالعادة
_ انت رايح فين
_ وحشتيني
ابتسمت
_ وانت كمان
_ واضح حتى كنتي مغرقاني زيارات
_ مكنتش بستحمل اشوفك في الحالة دي
شدني  و طبطب عليا 
_ عارف يا حبيبتي عارف
فجأة سمعنا صوت العاب ڼارية ولقينا السماء كلها بتنور 
_ايه دا في ايه
_ دا اخواتك المتخلفين ضربوا الالعاب الڼارية بدري
_ يعني ايه
لقيته ركع قدامي وطلع خاتم
_ يعني تقبلي تتجوزيني
ضحكت و انا بهز راسي 
_موافقة
مديت ايدي ولبسني الخاتم
_ تاني عرض جواز دا علفكره
_ الخاتم الاولاني اهو 
قلتها وانا بمسك السلسلة اللي فيها الخاتم
_ كنتي قولي طيب مكنتش جبت واحد تاني
_ و ايه يعني مش خساره فيا خاتمين
باس راسي و هو بيبتسم
_ مفيش حاجه في الدنيا خسارة فيكي يا وحيدتي
نسيت اقولكم انا وخالد ارتبطنا من سنة
ارتبطت بيه لما اتأكدت اني بحبه بجد و إني اتعافيت من محمد و مبقاش ليه فى قلبي اي مشاعر 
خالد كان حالة غريبة ظهرتلي من اللامكان
و انا ممتنة جدا انه ظهرلي 
تمت
الخاتمة
البارت_الحادي_عشر
الأخير
نيرة_وائل
شكرا لكل فانز وحيدته بحبكم جدا 
رأيكم في النهاية