الفصل الرابع عشر
محبوبة الادهم الكاتبة اسماء احمد سالم
وعند ادهم في الشركه بتيجي الفرقه اللي من البوليس وبتكون لابسه لبس عمال وبيكون فيهم واحد هو القائد وبيقرب على ادهم
وبيقول لادهم حاجه
القائد
ادهم بيه لو سمحت ممكن تفضي لنا الشركه ربع ساعه بالظبط ممكن تدي الموظفين استراحه بس ربع ساعه كدا لحد ما نخلص كل شغلنا
ادهم
طبعا طبعا اتفضلوا بس وانا هقول للموظفين وافضى ليكم الشركة
بيخرج ادهم للموظفين
ادهم
لو سمحتوا يا جماعه هنوقف شغل ربع ساعه كده اعتبروا ان عندكم استراحه في الوقت ده ولو حبين هتتحسب من الدوام متقلقوش
الموظفين
ادهم
شكرا ليكم كلكم
بيبدا فريق العمل البوليسي بالانتشار في الشركه كلها ورفع جميع البصمات وزرع كاميرات في اماكن مخصصه وبعد ربع ساعه بيروح القائد بتاعهم وبيقول لادهم احنا خلصنا يا ادهم بيه نقدر نمشي دلوقت وترجع كل الموظفين تانى لمكانهم
ادهم
بالسرعة دى نورتوا الشركه بس استنى لما تشربوا لكم حاجه ما ينفعش تمشي وكده
القائد
خيرك سابق يا ادهم بيه معلش علشان عندنا شغل في اماكن تانيه مينفعش نتأخر اكتر من كد
ادهم
وبيمشي القائد والفريق بتاعه من الشركه وبيرجع الموظفين ثاني لاماكنهم يشتغلوا
بيدخل مصطفى لادهم المكتب وبيسالو على العمال
مصطفى
هو ايه دول يا ادهم وكانوا بيعملوا هنا ايه
ادهم
نظافه يا مصطفى كانوا بينظفوا الشركه من الحشرات والحاجات اللي مش كويسه اللي بتضايق الموظفين وهما بيشتغلو بس
مصطفى
اه فهمت طب انا هستاذن منك لان خلصت كل الشغل اللي عندي على المكتب اطلع شويه وابقى ارجع ثاني اقعد معاك شوى
ادهم
المهم انك تكون خلصت كل الشغل اللي عندك وبعدها تقدر تروح في اي مكان انت عاوزه
مصطفى
انا خلصت الشغل كله اللي عندي يا ادهم وهجيبه لك علشان تراجعه كل التقارير الى عملتها
طيب وانا مستنيك في المكتب اهو مش هتحرك وبعدها تقدر تروح زي ما انت عاوز
وفعلا بيروح مصطفى وبيجيب مستندات اللي هو كان بيشتغل عليها وبيوديها لادهم المكتب
مصطفى دي كل الملفات اللي كانت على مكتبي وخلصتها كلها اتفضل يا ادهم
ادهم
تسلم يدك يا مصطفى ايه النشاط والحيويه ده كله بسم الله ما شاء الله عليك عيني عليك بارده ايو أكده يا راجل فوق واشتغل
مصطفى
هو انا يا ادهم لو غلطت في حقك غلط كبير هتسامحني عليه ولا هتزعل منى
ادهم
بتقول أكده ليه يا مصطفى متقلقنيش
مصطفى
عادي يا ادهم بسالك بس مجرد سؤال مش اكتر من أكده
انا عمري ما ازعل منك يا مصطفى انت اخويا الصغير وولدي ما تقولش كده انا مش بزعل منك ويلا عادي روح شوف كنت رايح فين خليني اراجع الدوسيهات دي خليني اروح انا كمان وابقى تعالى اقعد شويه مع امك من يوم ما جت عندي وانت ما عتسالش فيها وهى زعلانة قوى منك
ا مصطفى
حاضر حاضر يا أدهم هاجي واقعد معاها
وبيرجع
مصطفى للمكتب بتاع علشان نلم حاجاته ويمشي
وبيرن التليفون بتاعه وبتكون ريهام
مصطفى بيقفل الباب ويقعد في المكتب بتاعه وبيرد على ريهام
مصطفى الوه يا ريهام عاوزة ايه دلواقت انتى كمان
ريهام
ايوه يا مصطفى في مشكله كبيره ولازما تعرفها هكون برن عليك ليه يعنى
مصطفى
مشكله يا ريهام هو فيه مشكله اكبر من اللي احنا فيها دى والى نهلة حطتنا فيها
ريهام
ما انا بكلمك بخصوص اكده محمود اخوي راجع النهارده من السفر وبيقول انه مش مسافر تاني واصل
ونهله
كلمتني وقالت لي انه انا وانت لازم نتعامل مع الرجاله اللي هتقوم بالعمليه واحنا اللي هنحاسبهم كمان علشان هى مش هتعرف تعمل حاجه ومحمود موجود
مصطفى
انا مش عايز اعمل أكده انى في اخوي بكفياني عاد كفايه الظلم اللي ظلمته له كفايه حرامته من اعز الناس على قلبه وكمان كنت بفكر اني اخلص مني هو نفسه لحد اكده انى خلآص مش عاوز اعمل حاجه تانى
ريهام
انت بتقول ايه يا مصطفى بعد الاتفاق اللي اتفقناه كان عندها حق نهله لما قالت ان مصطفى بيقول كلام غريب وهى مش واثقة فيك
مصطفى
كلام غريب اني عايز انظف حالي من اللي عملته كلام غريب اني عايز ارجع لربنا كلام غريب ان عايز ارجع لاخويا حقه بعد كل الى عملناه فيه وارغمتنى عليه نهله وخلتنى اعمل أكده فى أخوى
ريهام
الكلام ده لما تكون الحالك ما فيش حد مربوط معاك لكن احنا كلياتنا في الهوا سوا يا مصطفى
مصطفى
انت بره الليله يا ريهام انت اللي دخلت حالك بحالك من كتر طمعك عاوزه ادهم يا فلوسه مش مقتنعة ان كل حاجه نصيب ومحدش بياخد اكتر من نصيبو
ريهام
وانت الملاك البريء يعني ما انت مبهدل كل فلوسه كل يوم والثاني عربيه جديده من فلوسه وكل يوم والثاني سفريه جديده من فلوسه وكل يوم والثانيه جوازه جديده ومن فلوسه بردك جاى دلوق وتقول بلاش أكده حرام امال كل الى فات ده مكنش حرام
مصطفى
انا ما قلتش اني كويس ولا اني بريء انا بقول اني كفايه لحد كده ومش هسمح لنهله انها تنفذ اللي في دماغها انا مش هكسر واظلم اخوي مره ثاني ابدا كفايه الچرح اللي جرحناه له وفاضل معلم في قلبه ثلاث سنين ولحد دلوقتي لسه عيوجعه وانا اجي واجرح وچرح تاني ولا لا ما فيش چروح المره دي هي عايزه ترتاح مني خالص وتورثه كمان وخداداتنى انى كمان لو عملت لها حاجة هترتاح منى وانى خابر زين انها تعملها
ريهام
اهدى يا مصطفى وسيب كل حاجه تمشي زي ما هي ماشيه وما تفكرش كثير واللي بيعملها مره بيعملها 1000 ما تحسسنيش انك طلع لك ضمير فجاه كده سلام وعقلك في راسك تعرف خلاصك ومتخليش كلمتين فرغين يضيعو عمرك
بيقفل مصطفى مع ريهام وهو الدنيا كلها بتلف بيه وكل
كلمه حصلت في المكالمه كانت متسجله صوت وصوره على الكاميرا المزروعه في مكتب مصطفى
وبيلم مصطفى حاجته وبيمشي
عند ادهم في المكتب بتاعه
ادهم
ياه الوقت اتاخر قوي الساعه 500 اكيد دلوقت هيكونوا اتغدوا من غيري لكن على مين هروح وهخليهم يتغدوا معايا كمان مره اخ يانى من التعب اقوم اروح عاد والحمد لله اني خلصت كل الشغل اللي عندي
وبيروح ادهم وبيركب عربيته بيروح البيت ولما بيروح وبيدخل بيلاقي امه قاعده وباين على وشها الحزن والزعل
ادهم
السلام عليكم يا امي
ام ادهم
وعليكم السلام يا ولدي حمد لله على سلامتك
ادهم
الله يسلمك يا حبيبتي ايه مالك قاعده كده ليه وليه وشك زعلان انا ما احبش اشوف وشك زعلان ابدا أكده مش بيخيل على وشك غير الضحكه
ام ادهم
اعمل ايه بس يا ولدي البنت المسكينه وهي في عز فرحتها بحياتها الجديده معانا وبدراستها اللي هتبدا
تاجي مرت ابوها وبتنكد عليها و وفضلت تبكي لحد ما وقعت من طولها وهي نايمه جوه على السرير يا دوبك خلصنا الاكل ومن كتر بكاها وقعت ومن ساعتها وهي نايمه حتى غدا ما اتغدتش وانا ما قادراش اكل من غيرها وهى نايمة أكده من غير وكل
ادهم
ازاي بتاجي هنا انا حذرتهم انهم خلاص ما لهمش اي حاجه عند عشق وما لهمش صالح بيها كيف بيستجروا انهم يجوا لها ثاني مش كفايه اللي عملوا فيها عاوزين منها ايه ثاني انى هوريهم كيف يزعلوها أكده محدش يقدر يزعل مرات ادهم
ام ادهم
اهدى يا ولدي ما فيش حاجه اهى اجت ومشت ادخل بس انت العشق وصحيها وراضيها بكلمتين وهاتها معاك وانا هحضر الوكل وناكله سوا روح انت ليها
ادهم
طيب يا امي بيدخل ادهم على اوضه عشق
ادهم
بيقرب عليها وبيبوسها فوق دماغها وبيقول لها
ادهم
انا اسف يا حبيبتي انا انا حذرتنهم يقربوا منك بس ما اعرفش ايه اللي خلاهم يرجعوا تاني كده بس انا هرجع لك حقك قومي قومي عايز اسمع صوتك اشوف ضحكتك وهي مرسومه على وشك واخدودك الى كيف البنور
وبتفوق عشق على صوت ادهم
عشق
انت جيتي ياادهم كل ده تاخير
ادهم
ايوه يا قلب الادهم ايه كل ده نوم يلا قومي لاجل ما ناكله سوا انى مېت من الجوع وعاوز اكل معاكى
عشق
لاه انى ما ليش نفس اكل دلوق انى هنام
ادهم
عادي وانا كمان ما ليش نفس وهنام و١نبعت للدكتوره تاجي تعلق لنا محاليل احنا الاتنين ونعيشوا على المحاليل طول عمرنا محڼا ملناش نفس بقا
بتضحك عشق
عشق
يعني انى لو ما اكلتش
انت ما هتقولش زى
ادهم
لاه لو انت ما اكلتيش انا مش هاكل ابدا من النهارده ورايح مش هاكل غير وانت معايا ايه قولك بقى انى ا ما اكلتش من امبارح واكده انى هتعب وانت المسؤوله فقومي عاد وكلي معايا علشان تفتح نفسي واعارف اكل
عشق طيب روح وانا هاجي
وراك على طول
ادهم
لا ما فيش حاجه اسمها روح وانا هاجي وراك دي انت هتاجي معايا ودلوق فاهمه عشق لا انت هتروح وانا هاجي وراك ا على طول قلت ليك
ادهم
الظاهر انك ما فهمتيش كلامي اني بقول لك قومي معي دلوقتي لاحسن اشيلك واخدك بالعافيه وانى مچنون واعملها عادى
عشق
لاه وعلى ايه خلاص انا هقومها اها يا حضرت المچنون
ادهم
انى مچنون بيكى انتى وبس يا عشق
عشق
ادهم بلاش أكده قلتلك
ادهم
بلاش
ايه يا قلب ادهم ويا نور عين ادهم ويا كل حيات ادهم بس بلاش ايه
عشق
شوف برضك اقلو بلاش يقول كلام بزيادة
ادهم
وهو فيها لما اقول كلام حلو لمرتى حبيبتى وكل ما ليا فى الدنيا كلها بعد امى طبعا علشان تكونى خابر
عشق
امك
دى امى انى بجد انى ربنا بيحبنى علشان هى فى حياتى
ادهم
ربنا يخليكي ليا ويكملك بعقلك يا قلبي يا رب
وعشان أكده انى عندى ليكى مفاجأة
عشق
ايه هى المفاجأة دى
ادهم
انى هاخدك ونخرج سوا انا وانتى وواحد صحبى هو ومرتو يعنى يعتبر أخوى أكده
عشق
بجد يا ادهم
أدهم
ايو بجد بعتبره أخوى
عشق
انى مش قصدى أكده
قصدى هتخرجنى بجد
ادهم
بجد يا قلب ادهم وقومى عاد زمان امى حضرت الاكل على السفرة وهى كمان ماكلتش حاجه بسببك يا ست هانم نعمل ايه فيكى دلوق ها
عشق
ياحبيبتى يا امى انى الى غلطانة
وبتقوم عشق وبتخرج مع ادهم
أم ادهم
يعنى لو مش ادهم هو الى جه وقلك قوى كلى مكنتش هتقومى
عشق
انى أسفة يا امى
ام ادهم
بطلى كلام واقعدى كلى معانا انى قلبى وجعنى من الجوع وبعدين ابقا نتكلمو
عشق
طيب يا حبيبتى
ادهم
اطلع انى منها عاد انى اول مرة اشوف حما بتحب مرات ابنها أكده
ام ادهم
ودى حاجه تفرحك يعنى والا اشغل كيد الحموات
عشق
لاه انى فى عرضك
وفضلو يضحكو سواى هما التلات
