كاملة حصريا
ماحي الذكريات
انت في الصفحة 1 من 3 صفحات
بعتلها الرسالة دي وأنا متدمر من جوه كتبتها ومسحتها أكتر من ١٠ مرات بس.. بس كان لازم أعمل كده لازم أول ما شافتها لقيتها بتكتب أنت بتهزر صح! كتبت كلمة واحدة بدل كلام كتير كنت عايز أكتبه لأ كتابتها بقت سريعة يعني ايه لأ! قولي إنك بتهزر رسايل متتالية أنت ساكت ليه! أرجوك فهمني.. طب أنا عملت ايه! بشوف الرسايل ومش عارف أرد أقول ايه لقيتها بترن مردتش رنت أكتر من مره مردتش برضو.. أصل هرد أقول ايه!
أنا.. آسف ممكن نقول إنها أسباب شخصية مقدرش أفصح عنها.
السبب الرئيسي كان هيساعدنا كتير طبعا في العلاج بس حقك طبعا إنك تفضل محتفظ بيه.
شكرا إنك تفهمت ده ايه الجهاز ده!
ده جهاز بيدعى Memories cancellation أو ماحي الذكريات جهاز متطور بدء تطبيقه بالفعل في سويسرا وأنا قررت أجيب نموذج من هناك بعد ما قررت إن هستقر في مصر مرة تانية وأبدأ أطبق نظام العلاج ده هنا برضو.
ده بمجرد ما أحطه على دماغك بيفحص الذكريات لحد ما يوصل للذكرى الي مسببالك مشاكل نفسية صدمة أو.. الي نفسك تخفيها من راسك بعد ما يتأكد من إنها الذكرى المطلوبة هيمحيها تماما من ذاكرتك وكأنها لم تكن.
فعلا! وأنسى كل الي حصل في الذكرى دي!
بالظبط نبدء!
ممم.. ابدأ يا دكتور.
دلوقتي بعد ما وصلنا الجهاز براسك الجهاز هيعمل فحص سريع زي ما واضح قدامي ع الشاشة دلوقتي هيدور بين آلاف الذكريات عن الذكرى المطلوبة.
وبعدين!
و.. أيوه دي الذكرى
ابتدت برسالة صح!
أي.. أيوه هو حضرتك هتشوف الذكرى على الشاشة!
مش بالظبط تخاطيف سريعة كده
