قدر اخى ديدي الشهاوى

قدر_اخي ديدي الشهاوى 
في الشركه ومع قدوم قدر بيه كانت الشركه في حاله توتر وقلق من عصبيه قدر بسبب ظروف اختفاء زوجته والكل كان بيتجنب قدر او التعامل معاه.. وصل قدر الشركه بعد مكالمته مع حكيم واللي كان منتظره في مكتبه 
_صباح الخير قدر بيه
_اول ماحكيم يوصل خليه يدخلي بسرعه ومدخليش عليا حد. ولا اي مكالمات فاهمه 
السكرتيره پخوف
_مفهوم قدر بيه
حكيم وصل الشركه وقبل ماينزل من عربيته جاتله مكالمه من ياامن
_حكيم.. خلي بالك منه.. وخليك هادي ومتعصبوش واشتري منه.. فاهم يااا حكيم.. متخلنيش اندم اني شاركتك معايا 

_فاهم يامن.. اطمن... متقلقش عليا 
حكيم قفل المكالمه ونزل من عربيته ودخل الشركه.. ووصل لمكتب قدر ووجه كلامه للسكرتيره 
_قدر بيه في مكتبه
_في انتظارك حكيم بيه
حكيم دخل علي قدر واللي كان منتظره علي مكتبه وعلي كرسي المكتب... ومنتظره بظهره ووجهه قصاد شباك المكتب 
_حمد لله على سلامتك يااحكيم بيه... فينك عاش من شافك 
بضحكه سخريه
_كنت مسافر وانا معرفش ولا اي... 
وبحركه التف قدر بالكرسي ليواجهه حكيم 
_لا مش مسافر... بس مختفي... وحتي الشغل بيشتكوا انك مش موجود طول الوقت 
_والله انا ادري بالشغل.. وبخلص شغل وبمر علي مواقع العمل.. ولا انت نسيت نظام الشغل.. ولا ملكش فيها
قدر پغضب
_حكيم... انت مخبي عليا ايه.. وليك علاقه باختفاء نور ولا لا 
_اخبي عليك. هههههه.. دا انا مشكلتي اني معرفش اخبي عليك ولا علي غيرك... اما موضوع نورا فانت ادري مني 
قدر بتوتر... 
_ ياريت اعرف هي فين ... بس اوعدك هعرف... وهعرف مين اللي ساعدها... وقريب جدا 
_وانا منتظرك... ومتطولش عليا عشان عاوز اطمن
حكيم قام... عشان يستعد عشان يمشي.... فجاءه وقف والتف لقدر... 
_ااه انا عاوز اجازه يومن عشان ارتاح
_وماله انت صاحب مكان خد وقتك.... ااه نسيت اخبار شركاءنا الاجانب اي 
_والله كويسين ابقي اطمن عليهم... وعلي فكره اأجلت المشروع لغايه ماتفوء من اللي انت فيه... عن اذنك
في شقه حكيم 
يامن خلص مكالمته مع حكيم.. واللي كان قلقان عليه.. وقطع شروده نورا.. 
_ياامن.... يااامن... مالك 
قام يامن وقعد جنب نورا اللي كانت نايمه من التعب ومكنتش قادره تقف من كتر الادويه والمخدر اللي كانت بتخده في المستشفى
يامن قرب وقعد جنبها.. ومسك ايدها... 
_ها حببتي محتاجه حاجه 
_مش معايا خالص... ودا حقك
يامن قبل ايدها... وبحنان 
_انا معاكي... مهما قولتلي... ومهما حصل هفضل معاكي 
_مالك.. سرحان ليه من ساعه حكيم مامشي.. 
_قلقان عليه من قدر... لحسن يعمل فيه حاجه 
نورا.. اول ماسمعت يامن اسم قدر... بعدت وشها عنه وووسحبت ايدها من ايده 
_نورا... عمري ماحاجه هتبعدني عنك.. ومسك وشها بايده عشان تبصله 
_انت مش عارف حاجه ولافاهم حاجه.. انا ادمرت والسبب قدر.. وانت
_نورا... انا عرفت كل حاجه.. وقتها اڼهارت... وتعبت من اللي حصلك... انا السبب في اللي انتي فيه... اخويا دمرك والسبب اني في حياتي... يمكن لو كنت محبتكيش مكنش حصل اللي حصل
نورا وايدها علي شفايف يامن 
_من فضلك اسكت... اوعي تقول كده... انت متعرفش انا كنت من غيرك اي... كان نفسي... افضل ليك... بس...... واڼهارت نورا بالبكاء 
يااامن... مكنش بيستحمل يشوف دموع نورا 
قرب عليها وهي نايمه  جبتها.... انتي حببتي وهتفضلي كده وحلمي طول عمري... واللي سعيت عشانه... واللي هسعي عشان يكون في ... مهما حصل
حكيم مشي من عند قدر... وخرج من الشركه.. وعلي باب الشركه التقط انفاسه مره اخري... وكانه حمل واتخلص منه 
اما قدر... اول ماحكيم خرج.... اتصل وعمل مكالمه 
_مبدهاش نفذ اللي قولته عليه
_امرك ياباشا
حكيم خرج... وركب عربيته... واول حاجه عملها كلم يامن وطمنه عليه... 
_كله تمام متقلقش.. هخلص مشاوير واجلكم.. لو عوزتم حاجه