اسرنى صوته الكاتبة سماح ناجى
انت في الصفحة 1 من 7 صفحات
اسرنى صوته
سماح ناجى
البارت الاول
إنتى يازفته ياللى إسمك زينه هتفضلى نايمه طول الليل والنهار كدا ولا ليل إيه بقى دا إنتى سهرانه طول الليل ونايمه بالنهار مخلفه خفاش ياربى ..
احمد سيبيها مخموده يا امى دى بتقوم ببطنها دى مفجوعه بتقضى على الأخضر واليابس..
الام بس إسكت إنت كمان مش نقصاك الإسم إنى مخلفه بنت المفروض تساعدني وتقوم بشغل البيت زى باقى البنات إنما دى زى قلتها أكل ومرعه وقله صنعه ..
يافتاح ياعليم يارزاق ياكريم إسطوانه كل يوم إييييه مابتزهقوش مابتملوش من الكلام ..
الام يابجاحتك ياشيخه وليكى عين تتكلمى إنتى يابت إنتى أنا مش قايلالك إمبارح تتخمدى بدرى علشان تصحى بدى علشان عندنا شغل كتير فى البيت
الام وهى بتجز على أسنانها قومى من وشى السعادى علشان ماخلصش عليكى هو إنتى يامعفنه بتعملى حاجه اصلا ولا بتحطى إيدك فى شغل البيت ..
زينه پصدمه وهى بتبص لاحمد اخوها ليه ياربى وعدتنى بأم مفتريه بقى أنا مش باعمل حاجه اومال مين لسه عامل من كام يوم مكرونه وبطاطس وبانيه يرضيك كدا ي ابو حميد الست دى مش حقانيه يخونك أكلى اللى باعمله كل يوم ..
الام يلا يامعفنه منك له والأكل دا بتعمليه لمين يابت مش ليكى وللمعفن اخوكى دا وفى الاخر ادخل الاقى جبل مواعين والبوتاجاز واقع عليه نص الاكل والحلل محروقه والمطبخ يضرب يقلب ..
زينه أنا الحق عليا إنى بأكلك إبنك بدل ماينزل يتشرد فى الشوارع وياكل من على العربيات ويتعب ويقرفنا معاه ولا يدخل يصحيكى من النوم ويقلقك شوفتى بقى إنك ظلمانى وإنى طيوبه وكيوته وقمر ..
احمد دا أمر بالستر هههه..
الام باااس إنتو إيه جبلات متخلفين بصى يابت إنتى من النهارده هتساعدينى فى شغل البيت وهتنامى وتقومى معانا مافيش سهر مافيش أكل بعد نص الليل مافيش تليفونات الراوتر هيتقفل من الساعه 12 فاهمه ولا لأ
احمد طيب وأنا ذنبى إيه أنا كمان أتحرم من الفون والأكل هو أنا اللى هاعمل شغل البيت ولا هى ..
الام ماهو إنت اللى بتساعدها وبتتحجج بيك وبعدين تعالى هنا إنت بتقدر تصحى بدى إزاى لشغلك وإنت يعتبر صاحى طول الليل ولا تكونش بتروح تكمل نوم هناك فى الشغل..
احمد أنا ابدا والله دا حتى المدير مبسوط من شغلى ودايما بيشكر فيا وفى نشاطى وتميزى..
زينه قول ياخويا قول هو يعنى الكلام بفلوس ولا هنروح نسأل مديرك عن مستواك ..
احمد بس يافاشله لا فالحه فى شغل البيت ولا فى شغل بره ..
احمد النفس ليه هو طبق محشى وعايز نفس علشان يتاكل ..
زينه تصدق ياض أنا جوعت لما شافت نظراتهم إتراجعت وكملت إنت عارف إنى مش باحب ربطه شغل الحكومه وافضل طول اليوم مرزوعه على المكتب أنا عايزه شغل فيه حركه كدا وكل يوم تغيير مش روتين ممل وفوت علينا بكره ياسيد ..
الام وأحمد أممم ودا هنجيبهولك
